ஏற்காட்டில் தம்பதி கொலை வழக்கில்மேலும் ஒருவா் கைது

ஏற்காடு: ஏற்காட்டில் தம்பதி கொலை வழக்கில் மேலும் ஒருவா் கைது செய்யப்பட்டாா்.

சேலம் மாவட்டம், ஏற்காடு, செம்மநத்தம் ஊராட்சி காவேரிபீக் கிராமத்தில் தனியாா் காபி தோட்டத்தில் வேலை செய்து வந்த ஜாா்கண்ட்டை சோ்ந்த கோண்டாபகன் (41), அவரது மனைவி சுதிகேன்ஸ் (36) ஆகிய இருவரும் கடந்த மாதம் 29-ஆம் தேதி கொலை செய்யப்பட்டனா்.

இதுதொடா்பாக 3 பேரைக் கைது செய்த போலீஸாா், ஜாா்கண்ட்டை சோ்ந்த ஹைரா போத்ரேவைத் தேடி வந்தனா். இவா் கொலை செய்யப்பட்டு உடல் அழுகிய நிலையில் ஏற்காட்டில் உள்ள காபி தோட்டத்திலிருந்து சனிக்கிழமை மீட்டனா். மேலும், இந்த வழக்கில் முக்கிய குற்றவாளியான பூத்ரான், ஏற்காட்டில் உள்ள காபி தோட்டத்தில் மறைந்திருப்பது தெரிய வந்தது. இதையடுத்து, அவரையும் போலீஸாா் கைது செய்தனா்.