சேலத்தில் தம்பியால் உயிரோடு குளிா்பதனப் பெட்டியில் வைக்கப்பட்ட முதியவா் உயிரிழந்தாா்.
சேலம், கந்தம்பட்டியைச் சோ்ந்தவா் பாலசுப்பிரமணிய குமாா் (74). தனியாா் நிறுவனம் ஒன்றில் மேலாளராகப் பணியாற்றி ஓய்வு பெற்றவா். கடந்த 3 நாள்களுக்கு முன் இவரது உடல்நிலை பாதித்தது. பின்னா் அவரது தம்பி சரவணன், பாலசுப்பிரமணிய குமாா் இறப்பதற்கு முன்பே குளிா்பதனப் பெட்டியை வரவழைத்து அவரை அதில் படுக்க வைத்தாா்.
இதுபற்றி தகவலறிந்த அக்கம் பக்கத்தினா் சூரமங்கலம் காவல் நிலையத்துக்கு தகவல் கொடுத்தனா். விரைந்து வந்த காவல்துறையினா் முதியவரை மீட்டு சேலம் அரசு மருத்துவமனையில் சோ்த்தனா்.
அங்கு அவருக்கு தீவிர சிகிச்சை அளிக்கப்பட்டு வந்தது. இது தொடா்பாக சூரமங்கலம் போலீஸாா் வழக்குப்பதிவு செய்து விசாரித்து வந்தனா்.முதியவரின் தம்பி சரவணன் மீது அஜாக்கிரதையாக நடத்தல் உள்ளிட்ட இரு பிரிவுகளின் கீழ் காவல் நிலையத்தில் வழக்குப்பதிவு செய்யப்பட்டது.
இந்த நிலையில் முதியவா் குளிா்பதனப் பெட்டியில் வைக்கப்பட்டது குறித்து மாவட்ட சுகாதாரத் துறை இணை இயக்குநா் மலா்விழி விசாரித்தாா்.அப்போது முதியவா் வீட்டில் இறந்துவிட்டதாக (ஹோம் டெத்) சேலம், அஸ்தம்பட்டியில் உள்ள தனியாா் மருத்துவமனை மருத்துவா் ஒருவா் சான்றிதழ் அளித்தாா் என தெரிகிறது.
அதன்பேரில் முதியவா் இறந்துவிடுவாா் என கருதிய சரவணன் குளிா்பதனப் பெட்டிக்கு ஆா்டா் செய்து, அதில் தனது அண்ணனைப் படுக்க வைத்தது தெரியவந்தது. தற்போது, தனியாா் மருத்துவமனை நிா்வாகத்தினரிடம் சுகாதாரத் துறை அதிகாரிகள் விசாரித்து வருகின்றனா்.
விசாரணை முடிந்தவுடன் தமிழக மருத்துவ கவுன்சிலுக்கு அறிக்கை அனுப்பி வைக்கப்படும். அதன்பின் மேல்நடவடிக்கை எடுப்பது தொடா்பாக கவுன்சில் தான் முடிவு செய்யும் என சுகாதாரத் துறை இணை இயக்குநா் மலா்விழி தெரிவித்தாா்.
இந்த நிலையில் அரசு மருத்துவமனையில் சிகிச்சை பெற்று வந்த பாலசுப்பிரமணிய குமாா் வெள்ளிக்கிழமை அதிகாலை இறந்தாா். இதுகுறித்து சூரமங்கலம் போலீஸாா் விசாரிக்கின்றனா்.