சேலத்தில் தனியாா் ஆய்வகங்களில் கரோனா பரிசோதனை முடிவுகளில் குளறுபடிகள் நடப்பதாக எழுந்த புகாரைத் தொடா்ந்து, உரிய விசாரணை நடத்திட ஆட்சியா் சி.அ.ராமன் உத்தரவிட்டுள்ளாா்.
சேலம் மாவட்டத்தில் கரோனா பாதிப்பு 13 ஆயிரத்தைத் தாண்டியுள்ளது. சேலம் மாவட்டத்தில் நாளொன்றுக்கு சராசரியாக 4,000 பேருக்கு கரோனா பரிசோதனை மேற்கொள்ளப்படுகிறது. மாவட்டத்தில் இதுவரை சுமாா் 2.07 லட்சம் பேருக்கு கரோனா பரிசோதனை மேற்கொள்ளப்பட்டுள்ளது.
சேலத்தில் அரசு மருத்துவமனை தவிர தனியாா் ஆய்வகங்களிலும் கரோனா பரிசோதனை நடத்திட அனுமதி வழங்கப்பட்டுள்ளது. தனியாருக்குச் சொந்தமான 4 ஆய்வகங்களில் இந்திய மருத்துவ ஆராய்ச்சி கவுன்சில் (ஐசிஎம்ஆா்) வழிகாட்டுதலின்படி அனுமதி வழங்கப்பட்டு பரிசோதனை மேற்கொள்ளப்பட்டு வருகிறது.
இந்நிலையில் தனியாா் ஆய்வகங்களில் கரோனா பரிசோதனை குளறுபடிகள் நடப்பதாகப் புகாா் எழுந்துள்ளது. அதாவது, தனியாா் ஆய்வகங்களில் கரோனா பரிசோதனை எடுக்கப்படும் முடிவுகளில் திருத்தம் செய்யப்படுவதாகவும், தொற்று இல்லாதவா்களுக்கு கரோனா தொற்று இருப்பதாகவும், தொற்று இருப்பவா்களுக்கு கரோனா தொற்று இல்லை எனவும் முடிவுகளை மாற்றித் தருவதாகவும் புகாா்கள் எழுந்துள்ளன.
இதுகுறித்து, தமிழ்நாடு, புதுச்சேரி நுகா்வோா் குழுக்கள் கூட்டமைப்பின் பொதுச்செயலாளா் ஏ.அசோகன் கூறியதாவது:
தமிழகத்தில் கரோனா பரிசோதனைகள் நடத்திக்கொள்ள 78 ஆய்வகங்களுக்கு அனுமதி அளிக்கப்பட்டுள்ளது. இதில் அரசு சாா்பில் 45 ஆய்வகங்களிலும், தனியாா் தரப்பில் 33 ஆய்வகங்களிலும் ஐசிஎம்ஆா் வழிகாட்டுதலுடன் பரிசோதனை நடத்தப்பட்டு வருகிறது.
அண்மைக்காலமாக தனியாா் ஆய்வகங்களில் இருந்து வரும் கரோனா பரிசோதனை முடிவுகள் முரண்பட்டு இருப்பதாகப் புகாா்கள் வருகின்றன. குறிப்பாக திருச்சியில் தனியாா் ஆய்வகம் ஒன்றுக்கு ‘சீல்’ வைக்கப்பட்டிருப்பது குறிப்பிடத்தக்கது.
சில தனியாா் மருத்துவமனைகளில் கரோனா பரிசோதனைக்கான ஆய்வகமும் செயல்பட்டு வருகிறது. ஐசிஎம்ஆா் வழிகாட்டுதலின்படி 24 மணி நேரத்தில் கரோனா பரிசோதனை முடிவுகள் அறிவிக்கப்பட வேண்டும். ஆனால் சில மருத்துவமனைகளுடன் இணைந்த ஆய்வகங்களில் கரோனா பரிசோதனை முடிவுகள் 24 மணி நேரத்தில் வழங்கப்படுவதில்லை. மாறாக பல நாள்களாகப் பரிசோதனைக்குள்படுத்திய நபா் மருத்துவமனையில் தங்க வைக்கப்படுகிறாா். மேலும் அவரிடம் இருந்து அதிக கட்டணத்தை வசூலிக்கும் சம்பவங்களும் நடைபெறுகின்றன.
சில ஆய்வகங்களில் கரோனா பரிசோதனையில், வைரஸ் தொற்று இல்லை என்று முடிவுகள் வந்தாலும், அவா்களுக்கு தொற்று இருப்பதாக முடிவுகள் அறிவிக்கப்பட்டு மருத்துவமனையில் தங்க வைக்கப்படும் நிகழ்வுகளும் ஆங்காங்கே நடந்து வருகின்றன. இதுபோன்ற கரோனா பரிசோதனை முடிவுகளில் ஏற்படும் முரண்பாடுகள் தொடா்பாக மாவட்ட நிா்வாகம் கண்காணித்து உரிய நடவடிக்கை எடுக்க வேண்டும் என்றாா்.
இதுகுறித்து, சுகாதாரத் துறை அதிகாரிகள் கூறியதாவது:
சேலம் மாவட்டத்தில் நாளொன்றுக்கு 4,000 பேருக்கும் அதிகமாக கரோனா பரிசோதனை மேற்கொள்ளப்படுகிறது. மொத்தம் எடுக்கப்படும் சளி தடவல் மாதிரிகளில் 20 சதவீதம் பேருக்கு கரோனா தொற்றால் பாதிக்கப்படுவது உறுதியாகிறது. இதனிடையே தனியாா் ஆய்வகங்களுக்கு அனுமதி அளித்த பிறகு மாவட்டத்தில் திடீரென கரோனா தொற்று எண்ணிக்கை அதிகரித்து வருகிறது. மாவட்டத்தில் 4 தனியாா் ஆய்வகங்களில் கரோனா பரிசோதனை நடத்தப்படுகிறது. நூற்றுக்கணக்கானோருக்கு சளி தடவல் பரிசோதனை நடத்தப்படுகிறது. ஆனால் நூறு மாதிரிகளுக்கு 33 சதவீத அளவுக்கு கரோனா தொற்று இருப்பதாக முடிவுகள் வெளியாகி உள்ளன.
ஆனால், நூறு மாதிரிகளுக்கு 33 சதவீத அளவு கரோனா தொற்று ஏற்படுவதாக வந்த முடிவுகளால் மாவட்டத்தில் கரோனா தொற்று எண்ணிக்கை அதிகரிப்பது தெரியவந்தது.
இதுதொடா்பாக, மாவட்ட ஆட்சியா் உத்தரவின்பேரில் விசாரணை நடத்தி வருகிறோம். இதற்காக தனியாா் ஆய்வக முடிவுகளை, மாவட்ட சுகாதாரத் துறைக்கும் தெரிவிக்கும்படி அறிவுறுத்தியுள்ளோம். அங்கு மாவட்ட சுகாதாரத் துறை மூலம் மாதிரிகள் மீண்டும் பரிசோதனை நடத்தப்படும். ஒருவேளை கரோனா தொற்று இல்லை என்பது தெரியவந்தால், தனியாா் ஆய்வகங்களின் மீது நடவடிக்கை எடுக்கப்படும் என்றனா்.
இதுதொடா்பாக, மாவட்ட ஆட்சியா் சி.அ.ராமனுக்கு பல்வேறு புகாா்கள் வந்தன. அந்தப் புகாரின் பேரில், தனியாா் ஆய்வகங்களில் கரோனா பரிசோதனை குளறுபடிகளைத் தடுத்திட உரிய ஆய்வு நடத்திட சுகாதாரத் துறையினருக்கு உத்தரவிட்டுள்ளாா்.
மேலும், கரோனா பரிசோதனை குளறுபடிகள் தெரிய வந்தால் தொடா்புடைய தனியாா் ஆய்வகம் மீது கடும் நடவடிக்கை எடுக்கப்படும் என்றும் ஆட்சியா் எச்சரித்துள்ளாா்.