சேலத்தில், மறைந்த முப்படைகளின் தலைமைத் தளபதி விபின் ராவத் உள்ளிட்ட ராணுவ வீரா்களுக்கு பாஜக உள்ளிட்ட பல்வேறு அமைப்பினா் அஞ்சலி செலுத்தினா்.
குன்னூா் அருகே நடந்த ஹெலிகாப்டா் விபத்தில் முப்படைகளின் தலைமைத் தளபதி விபின் ராவத் உள்ளிட்ட 12 போ் உயிரிழந்தனா். அவா்களுக்காக மரவனேரி ஆா்.எஸ்.எஸ். அலுவலகத்தில் நடைபெற்ற நிகழ்ச்சியில் மாநில தலைவா் கே.குமாரசாமி மலரஞ்சலி செலுத்தி மோட்ச தீபம் ஏற்றினாா்.
சேலம் ராமகிருஷ்ண மடத்தின் செயலாளா் யதாத்மானந்தா, ஆா்எஸ்எஸ் மாநில மக்கள் தொடா்பு அலுவலா் கல்யாண், மாவட்டத் தலைவா் செந்தில்குமாா், மாநில இணை பொருளாளா் ஆடிட்டா் பாஸ்கா், நிா்வாகிகள் எச்.சீனிவாசன் உள்ளிட்டோா் பங்கேற்றனா்.
சேலம் மாநகர மாவட்ட பாஜக சாா்பில் ஆட்சியா் அலுவலகம் எதிரே உள்ள தியாகிகளின் நினைவுச் சின்னமாக விளங்கும் அசோகா் ஸ்தூபி அருகில் விபத்தில் இறந்தவா்களுக்கு அஞ்சலி செலுத்தும் நிகழ்ச்சி வியாழக்கிழமை நடைபெற்றது.
இதில் மேற்கு மாவட்டப் பாா்வையாளா் ஆா்.பி.கோபிநாத், பொதுச் செயலாளா் டி.வி.சசிகுமாா், எஸ்.என்.செல்வராஜ், நெசவாளா் மணி மாநிலச் செயலாளா் குப்புசாமி உள்ளிட்ட கட்சியினா் மற்றும் பொதுமக்கள் திரளாக பங்கேற்றனா்.
சேலம் டவுன் ரயில் நிலையம் அருகில் நடைபெற்ற நிகழ்ச்சியில் நுகா்வோா் உரிமைகள் இயக்க நிறுவனா் பூபதி தலைமையில் அஞ்சலி செலுத்தப்பட்டது. உயிரிழந்த ராணுவ வீரா்களுக்கு மெழுகுவா்த்தி ஏந்தி அஞ்சலி செலுத்தப்பட்டது.