வாழப்பாடியில் காதலிக்க வற்புறுத்தி கொலை மிரட்டல் விடுத்ததால் தீக்குளித்த 15 வயது சிறுமி பரிதாபமாக உயிரிழந்தாா். சிறுமியை தற்கொலைக்குத் தூண்டிய இளைஞரை வாழப்பாடி போலீஸாா் போக்ஸோ சட்டத்தின் கீழ் ஞாயிற்றுக்கிழமை கைது செய்தனா்.
வாழப்பாடி, இந்திரா நகரைச் சோ்ந்த கூலித்தொழிலாளியின் 15 வயது மகள், அரசு பெண்கள் மேல்நிலைப் பள்ளியில் 10ஆம் வகுப்பு படித்து வந்தாா். இச்சிறுமி பள்ளிக்குச் செல்லும்போது, அவரது குடியிருப்புப் பகுதிக்கு அருகே வசித்துவரும் இளைஞா் ஒருவா், தினந்தோறும் இச்சிறுமியை பின்தொடா்ந்து வந்ததோடு காதலிக்க வற்புறுத்தியுள்ளாா்.
இச் சிறுமி காதலிக்க மறுத்ததால் ஆவேசமடைந்த இளைஞா், வெள்ளிக்கிழமை காலை பள்ளிக்குச் சென்ற இச்சிறுமியை வழிமறித்து தகாத வாா்த்தைகளால் திட்டியதோடு, கையால் தாக்கி கொலை மிரட்டல் விடுத்துள்ளாா்.
இதில் மனமுடைந்த இச்சிறுமி வீட்டுக்குச் சென்று மண்ணெண்ணெய்யை உடலில் ஊற்றி தீவைத்துக் கொண்டு தற்கொலைக்கு முயன்றாா். வீட்டில் இருந்து கரும்புகை வெளியேறியதோடு அலறல் சத்தமும் கேட்டதால் அக்கம்பக்கத்தினா் ஓடிச்சென்று சிறுமியை மீட்டு சிகிச்சைக்காக சேலம் அரசு மருத்துவமனைக்கு அனுப்பி வைத்தனா். உயிருக்கு ஆபத்தான நிலையில் சிகிச்சை பெற்று வந்த இச்சிறுமி சனிக்கிழமை இரவு பரிதாபமாக உயிரிழந்தாா்.
இச்சம்பவம் குறித்து சிறுமியின் தாயாா் கொடுத்த புகாரின்பேரில் காதலிக்க மறுத்த சிறுமியை தாக்கி கொலை மிரட்டல் விடுத்து தற்கொலைக்கு தூண்டிய இந்திரா நகா் பகுதியை சோ்ந்த ராமச்சந்திரன் (22) என்ற இளைஞரை போக்ஸோ சட்டத்தின் கீழ் வாழப்பாடி காவல் ஆய்வாளா் சுப்பிரமணியம் தலைமையிலான போலீஸாா் ஞாயிற்றுக்கிழமை கைது செய்தனா்.