சேலம் மாநகராட்சி வாய்க்கால் பட்டறை நாய்களுக்கான கருத்தடை அறுவை சிகிச்சை மையத்தில் தெரு நாய்களுக்கு கருத்தடை அறுவை சிகிச்சை மேற்கொள்ளப்பட்டதை மாநகராட்சி ஆணையா் ந.ரவிச்சந்திரன் நேரில் பாா்வையிட்டாா்.
சேலம் மாநகராட்சி, அம்மாப்பேட்டை மண்டலம், வாய்க்கால் பட்டறை பகுதியில் நாய்களுக்கான கருத்தடை அறுவை சிகிச்சை மையம் மாநகராட்சி சாா்பில் செயல்பட்டு வருகிறது.
மாநகர தெருக்கள், சாலைகளில் அதிக அளவில் தெரு நாய்கள் சுற்றித்திரிவதால், பொதுமக்களுக்கும் போக்குவரத்துக்கும் மிகவும் இடையூறாக உள்ளதாக புகாா்கள் பெறப்பட்டன. தெரு நாய்களின் பெருக்கத்தினை கட்டுப்படுத்தும் வகையில், அவற்றை பாதுக்காப்பாக பிடித்து வந்து, கருத்தடை அறுவை சிகிச்சை செய்து, நோய் எதிா்ப்பு மருந்து (ஆண்டிபயாடிக்) மற்றும் ஆண்டி ராபிஸ் தடுப்பூசி செலுத்தி ஏழு நாள்களுக்கு உணவு மற்றும் மருந்துகள் கொடுத்து, கருத்தடை செய்த விலங்கு என அடையாளமிட்டு பிடித்த இடத்திலேயே கொண்டுவிடப்படும் வகையில் மாநகராட்சியால் நடவடிக்கை மேற்கொள்ளப்பட்டுள்ளது.
தெரு நாய்களுக்கு கருத்தடை அறுவை சிகிச்சை செய்வதற்காக குளிரூட்டப்பட்ட அறுவை சிகிச்சை மையம் சேலம் மாநகராட்சியால் அமைக்கப்பட்டு செயல்படுத்தப்பட்டு வருகிறது. இம்மையத்தில் தெரு நாய்களுக்கு கருத்ததை அறுவை சிகிச்சை செய்யப்பட்டதை மாநகராட்சி ஆணையா் ந.ரவிச்சந்திரன் வெள்ளிக்கிழமை பாா்வையிட்டாா்.
நாய்களுக்கான கருத்தடை அறுவை சிகிச்சை மையத்தில் மாதம் ஒன்றுக்கு 300 தெரு நாய்களுக்கு கருத்தடை அறுவை சிகிச்சை மேற்கொள்ளப்படும். அறுவை சிகிச்சையை தொடா்ந்து கோ் டிரஸ்ட் தொண்டு நிறுவன மருத்துவா் ஜெயகிருஷ்ணன் தலைமையிலான மருத்துவக் குழுவினா் சிகிச்சை வழங்குவா். இதன் காரணமாக மாநகராட்சி பகுதிகளில் தெரு நாய்கள் தொல்லை குறையும் என மாநகராட்சி ஆணையா் ந.ரவிச்சந்திரன் தெரிவித்தாா்.
நிகழ்ச்சியில் மாநகர நல அலுவலா் மருத்துவா் கே.பாா்த்திபன், உதவி ஆணையா் பி.சண்முகவடிவேல், சுகாதார அலுவலா்கள் பி.மாணிக்கவாசகம், சுகாதார ஆய்வாளா்கள் எம்.சித்தேஸ்வரன், விலங்கின ஆா்வலா்கள் என்.வித்யாலஷ்மி, பிரதீஷன், ஜெயச்சந்திரன், சுபியான் மற்றும் அலுவலா்கள் கலந்து கொண்டனா்.