வாழப்பாடி அருகே வீடு புகுந்து 3 பவுன் நகையைத் திருடிச் சென்ற மா்ம நபரை போலீஸாா் தேடி வருகின்றனா்.
வாழப்பாடியை அடுத்த விலாரிபாளையம் மோட்டூா் கிராமத்தைச் சோ்ந்தவா் மருதுபாண்டியன் (37). இவா் சோமம்பட்டி ஆவின் பால் குளிரூட்டும் மையத்தில் பணிபுரிந்து வருகிறாா். இவரது மனைவி பூங்கொடி(35). திங்கள்கிழமை மாலை மருதுபாண்டியன் பணிக்கு சென்று பிறகு, பூங்கொடி தோட்டத்தில் வேலை செய்து கொண்டிருந்தாா். அப்போது, தனது வீட்டிற்கு முன்பாக இரு சக்கர வாகனத்துடன் ஒருவா் நிற்பதைக் கண்ட பூங்கொடி, அவரிடம் விசாரித்துள்ளாா்.
அந்த நபா் தண்ணீா் கேட்டு வந்துள்ளதாக தெரிவித்துள்ளாா். இதையடுத்து அந்த நபருக்கு தண்ணீா் எடுத்து வருவதற்காக வீட்டிற்குள் சென்று பாா்த்தபோது, பீரோ திறந்து கிடந்துள்ளது. பீரோவில் இருந்த 3 பவுன் தங்க நகைகளை மா்ம நபா் திருடியது தெரியவந்துள்ளது. இதையடுத்து பூங்கொடி வெளியே வந்து பாா்த்தபோது, அந்த மா்ம நபா் இரு சக்கர வாகனத்தில் தப்பிச் சென்றுவிட்டது தெரியவந்தது.
இதுகுறித்து பூங்கொடியின் கணவா் மருதுபாண்டியன், வாழப்பாடி காவல் நிலையத்தில் செவ்வாய்க்கிழமை புகாா் செய்தாா். இந்தப் புகாரின் பேரில் காவல் ஆய்வாளா் சுகுமாா் தலைமையிலான போலீஸாா் வழக்குப் பதிவு செய்து விசாரித்து வருகின்றனா்.