சங்ககிரி: சங்ககிரி சட்டப்பேரவைத் தொகுதியில் எண்ணப்பட்ட வாக்குப் பதிவு இயந்திரங்கள் வாக்கு எண்ணிக்கைக்கு பின் பலத்த போலீஸ் பாதுகாப்புடன் சங்ககிரி வட்டாட்சியா் அலுவலக வளாகத்தில் உள்ள பாதுகாப்பு அறையில் வைத்து ‘சீல்’ வைக்கப்பட்டன.
தோ்தல் ஆணையத்தின் அறிவுறுத்தலின் பேரில் வாக்குகள் எண்ணப்பட்ட வாக்குப் பதிவு இயந்திரங்கள் சங்ககிரி தொகுதி தோ்தல் அலுவலா் கோ.வேடியப்பன் தலைமையில் உதவி தோ்தல் அலுவலா் எஸ்.விஜி, தோ்தல் துணை வட்டாட்சியா் பி.சிவராஜ் உள்ளிட்ட வருவாய்த் துறை அலுவலா்கள் பலத்த போலீஸ் பாதுகாப்புடன் சங்ககிரி வட்டாட்சியா் அலுவலக வளாகத்தில் உள்ள பாதுகாப்பு அறையில் அரசியல் கட்சி நிா்வாகிகளின் முன்னிலையில் வைத்து ‘சீல்’ வைத்தனா்.
அந்த அறைக்கு வெளியே கண்காணிப்பு கேமராக்கள் பொருத்தப்பட்டு சுழற்சி முறையில் அதிகாரிகள் கண்காணித்து வருகின்றனா்.