சேலம் மாவட்டம், சங்ககிரி அருகே உள்ள வரதம்பட்டி தேசிய நெடுஞ்சாலையையொட்டியுள்ள தனியாா் பெட்ரோல்-டீசல் விற்பனையக வளாகத்தில் நிறுத்தியிருந்த லாரியை ஞாயிற்றுக்கிழமை திருடிச் சென்றவரை லாரியில் பொருத்தப்பட்டிருந்த ஜிபிஎஸ் கருவி மூலம் லாரி உரிமையாளா் கண்டுபிடித்து சங்ககிரி காவல் நிலையத்தில் ஒப்பட்டைத்தாா்.
சங்ககிரி அருகே உள்ள நாகிசெட்டிப்பட்டி பகுதியைச் சோ்ந்த லாரி உரிமையாளா் ஆசைத்தம்பியின் மகன் காா்த்திக். அவருக்குச் சொந்தமான லாரியை சங்ககிரி அருகே உள்ள வரதம்பட்டி தேசிய நெடுஞ்சாலையையொட்டியுள்ள தனியாா் பெட்ரோல்-டீசல் விற்பனையக வளாகத்தில் கடந்த 4ஆம் தேதி நிறுத்தி வைத்தாாா்.
அதனையடுத்து ஞாயிற்றுக்கிழமை விற்பனையகத்தின் மேலாளா் நிறுத்தியிருந்த லாரியை காணவில்லை என லாரி உரிமையாளருக்கு தகவல் அளித்துள்ளாா். அத்தகவலின் பேரில் லாரி உரிமையாளா் லாரியில் பொருத்தப்பட்டிருந்த ஜிபிஎஸ் கருவி மூலம் லாரி சேலம் தாண்டி சென்று கொண்டிருப்பதை கண்டு பிடித்தாா்.
அதனையடுத்து லாரியை தூரத்திச் சென்று சேலம் அருகே உள்ள காரிப்பட்டி சுங்கச்சவாடி பகுதியில் நிறுத்தி விசாரித்தாா். இதனையடுத்து திருடப்பட்ட லாரியுடன், ஓட்டிச் சென்ற நபரையும் சங்ககிரி போலீஸில் ஒப்படைத்துள்ளாா்.
இது குறித்து சங்ககிரி போலீஸாா் வழக்குப்பதிவு செய்து திருடப்பட்ட லாரியை பறிமுதல் செய்து லாரியை திருடிச் சென்ற கா்நாடக மாநிலம், பெங்களுரூ சவுத், கோரமங்களா, ராஜேந்திரநகா் பகுதியைச் சோ்ந்த பாஷாவின் மகன் முகமது கரீமுல்லா (36) என்பவரை கைது செய்து விசாரித்து வருகின்றனா்.