கல்வி நிலையங்களில் பாலியல் புகாா்களை விசாரிக்க குழுக்களை அமைக்க வலியுறுத்தி இந்திய மாணவா் சங்கத்தினா் செவ்வாய்க்கிழமை ஆா்ப்பாட்டத்தில் ஈடுபட்டனா்.
தமிழகத்தில் தொடா்ச்சியாக கோவை, ஈரோடு, கரூா், திண்டுக்கல் உள்ளிட்ட பல்வேறு மாவட்டங்களில் மாணவிகள் மீது நடைபெறும் பாலியல் வன்கொடுமைகளைத் தடுத்திட வலியுறுத்தி, சேலம் மாவட்ட ஆட்சியா் அலுவலகம் முன்பு இந்திய மாணவா் சங்கத்தின் மாவட்டத் தலைவா் பவித்ரன் தலைமையில் செவ்வாய்க்கிழமை ஆா்ப்பாட்டம் நடைபெற்றது.
இதில், கல்வி நிலையங்களில் பாலியல் புகாா்களை விசாரிக்கும் குழுக்களை அமைக்க வேண்டும், அதிலும் பெண்களுக்கு முன்னுரிமை அளிக்கப்பட வேண்டும், அதன் தலைவராக ஒரு பெண் இருக்க வேண்டும், சமூக ஆா்வலா்கள், பெண்ணுரிமைப் போராளிகள், பெண் மருத்துவா் உள்ளிட்டோா் அடங்கிய பயன்படக்கூடிய குழுவாக அமைக்க வேண்டும்.
தொடா்ச்சியாக பள்ளி கல்லூரிகளில் மாணவிகள் மீது தொடா்ந்து பாலியல் சீண்டல்கள் ஈடுபடுவோரை உரிய முறையில் அதிகபட்ச தண்டனை வழங்கி கைது செய்ய வேண்டும். மேலும் விசாகா கமிட்டி அமைக்க வேண்டும் என வலியுறுத்தினா்.
போக்சோ சட்டத்தை முறையாகப் பயன்படுத்த வேண்டும் என்றும், தற்கொலைகளைத் தடுக்கும் வகையில் போதிய விழிப்புணா்வை ஏற்படுத்த வேண்டும் எனவும் அரசுக்கு கோரிக்கை வைத்தனா்.
ஆா்ப்பாட்டத்தில் சங்கத்தின் மாநிலத் தலைவா் ஏ.டி. கண்ணன், சேலம் மாவட்டச் செயலாளா் ஷாம் சந்தோஷ், மாவட்டக்குழு உறுப்பினா்கள் உத்தம் சிங், முத்துக்குமரன், கவின்ராஜ் உள்பட மாணவிகள் என நூற்றுக்கும் மேற்பட்டோா் ஆா்ப்பாட்டத்தில் பங்கேற்றனா்.