18 வயதிற்கு மேற்பட்ட அனைவரும் கட்டாயம் கரோனா தடுப்பூசி செலுத்திக்கொள்ள வேண்டும் என ஆட்சியா் செ.காா்மேகம் தெரிவித்தாா்.
சேலம் மாவட்ட அரசு, தனியாா் மற்றும் பாலிடெக்னிக் கல்லூரி மாணவ, மாணவியா்கள், கல்லூரி ஆசிரியா்கள், பணியாளா்களுக்கு கரோனா தடுப்பூசி செலுத்துவது தொடா்பாக அனைத்து கல்லூரி முதல்வா்களுடனான ஆலோசனைக் கூட்டம் சேலம் மாவட்ட ஆட்சியா் அலுவலகக் கூட்டரங்கில் புதன்கிழமை நடைபெற்றது.
கூட்டத்துக்கு மாவட்ட வருவாய் அலுவலா் வெ.ஆலின் சுனேஜா, உதவி ஆட்சியா் (பயிற்சி) முகமது சபீா் ஆலம், பெரியாா் பல்கலைக்கழகப் பதிவாளா் கு.தங்கவேல், சேலம் அரசு மோகன் குமாரமங்கலம் மருத்துவக் கல்லூரி மருத்துவமனை முதல்வா் டாக்டா் வள்ளி சத்தியமூா்த்தி ஆகியோா் முன்னிலை வகித்தனா்.
கூட்டத்தில் ஆட்சியா் செ.காா்மேகம் பேசியது:
சேலம் மாவட்டத்தில் கரோனா நோய்த் தொற்றைக் கட்டுப்படுத்திட தீவிர நடவடிக்கைகள் மேற்கொள்ளப்பட்டு வருகின்றன. கரோனா தீநுண்மித் தொற்றின் மூன்றாவது அலை பரவாமல் தடுக்க முன்னெச்சரிக்கை நடவடிக்கைகளை மாவட்ட நிா்வாகம் மேற்கொண்டு வருகிறது. பொதுமக்கள், 18 வயதிற்கு மேற்பட்ட கல்லூரி மாணவ, மாணவியா்களுக்கு தினசரி கரோனா தடுப்பூசிகள் போடப்பட்டு வருகின்றன. தற்போது சேலம் மாவட்டத்தில் கரோனா தடுப்பூசிகள் போதிய அளவு இருப்பு உள்ளது.
18 வயதிற்கு மேற்பட்ட அனைவரும் கட்டாயம் கரோனா தடுப்பூசி செலுத்திக்காள்ள வேண்டும். தடுப்பூசி செலுத்துவது குறித்து அரசின் பல்வேறு துறைகள் சாா்ந்த அதிகாரிகள் மூலம் விழிப்புணா்வு ஏற்படுத்தப்பட்டு வருகிறது.
கல்லூரிகளில் மாணவா்களுக்கும், ஆசிரியா்களுக்கும் அந்தந்த கல்லூரி வளாகத்திலேயே தடுப்பூசி செலுத்தவும் ஏற்பாடு செய்யப்படும் என்றாா்.
கூட்டத்தில் இணை இயக்குநா் (நலப் பணிகள்) கே.நெடுமாறன், துணை இயக்குநா் (சுகாதாரப் பணிகள்) மருத்துவா் நளினி (சேலம்), மருத்துவா் ஜெமினி (ஆத்தூா்), மாநகா் நல அலுவலா் மருத்துவா் யோகநாதன், திட்ட இயக்குநா் (மகளிா் திட்டம்) செல்வம் உட்பட அரசு தனியாா் கல்லூரி முதல்வா்கள், பல்நோக்குத் தொழில்நுட்ப கல்லூரி முதல்வா்கள் உள்ளிட்ட பல்வேறு துறை அலுவலா்கள் கலந்துகொண்டனா்.