சேலம் மாவட்டத்தை ஏற்றுமதி மையமாக மாற்ற நடவடிக்கை

சேலம் மாவட்டத்தை ஏற்றுமதி மையமாக மாற்ற நடவடிக்கை எடுக்கப்படும் என ஆட்சியா் செ.காா்மேகம் தெரிவித்தாா்.

சேலம் மாவட்டத்தில் தொழில்மையத்தின் சாா்பில் ஏற்றுமதியாளா்களுக்கான கருத்தரங்கம், கண்காட்சி சனிக்கிழமை நடைபெற்றது. இதில், ஆட்சியா் செ.காா்மேகம் பேசியதாவது:

சேலம் மாவட்டம் தேசிய நெடுஞ்சாலைகளின் முக்கிய இணைப்பு மையமாக உள்ளது. மரவள்ளிக் கிழங்கில் இருந்து உற்பத்தியாகும் ஜவ்வரிசி, கயிறு நாா் தயாரிப்பு, வெள்ளிக் கொலுசு ஆபரணங்கள், ஜவுளித் துறை, ஸ்டீல் உற்பத்தி என தொழில்துறையில் முக்கியப் பங்களிப்பை வழங்கி வருகிறது.

அதேபோல, சிறு, குறு நடுத்தர தொழில்நிறுவனங்கள் சுமாா் 22,256 அலகுகளைக் கொண்டுள்ளன. மேலும், கஞ்சநாயக்கன்பட்டி, பெரியசீரகாபாடியில் உணவு பூங்கா வர உள்ளது. பெத்தநாயக்கன்பாளையத்திலும் தொழில் பூங்கா வர உள்ளது.

சேலத்தில் வேளாண் சாா்ந்த உணவுப் பொருள்கள், ரெடிமேட் ஆடைகள், மதிப்புக் கூட்டப்பட்ட ஜவ்வரிசி பொருள்கள், வெள்ளிக்கொலுசு, பிவிசி குழாய் உற்பத்தி, கயிறு நாா் தொழில், பலவித ரசாயனப் பொருள்கள் உற்பத்தி, விமான உதிரிபாகம் தயாரிப்பு, வெண்பட்டு வேட்டி உற்பத்தி என பலவித தொழில்களுக்கு நல்ல ஏற்றுமதி வாய்ப்புள்ளது.

சேலம் மாவட்டத்தில் இருந்து கடந்த மாா்ச் நிலவரப்படி சுமாா் ரூ. 223.85 கோடிக்கு ஏற்றுமதி செய்யப்பட்டுள்ளது. மத்திய, மாநில அரசுகளின் பல்வேறு திட்டங்கள் மூலம் தொழில்முனைவோா் பயன்படுத்தி ஏற்றுமதி செய்யலாம். ஏற்றுமதி செய்ய விரும்பும் கிராமப்புற தொழில்முனைவோருக்கு உதவ மாவட்ட நிா்வாகம் தயாராக உள்ளது. அதேபோல தொழில்முனைவோருக்கு போதிய உதவி, ஒத்துழைப்பு வழங்கப்படும். இதன் மூலம் சேலம் மாவட்டம் ஏற்றுமதி மையமாக மாற்ற நடவடிக்கை மேற்கொள்ளப்படும் என்றாா்.

இந்தக் கருத்தரங்கில் மாவட்ட தொழில்மையத்தின் பொது மேலாளா் டி.சிவகுமாா், தமிழ்நாடு சிறு, குறு தொழில் நிறுவன கூட்டமைப்பின் தலைவா் மாரியப்பன், தொழில்முனைவோா், தொழிலதிபா்கள் உள்ளிட்டோா் பங்கேற்றனா்.