மின்சாரம் பாய்ந்து தொழிலாளி பலி

எடப்பாடி அருகே மின்சாரம் பாய்ந்து தொழிலாளி உயிரிழந்தாா்.

சேலம் மாவட்டம், எடப்பாடியை அடுத்த கல்வடங்கம், பெருமாள் கோயில் தெருவைச் சோ்ந்தவா் தினேஷ்குமாா் (28). தொழிலாளி. இவரது மனைவி மோனிஷா. இத் தம்பதிக்கு 2 வயதில் ஆண் குழந்தை உள்ளது. தினேஷ்குமாா் எடப்பாடியை அடுத்த நெடுங்குளம் எல்லைமடைப் பகுதியில், தாமோதரன் என்பவருக்கு சொந்தமான கட்டடத்தில் வேலை செய்து வந்தாா். அப்போது மின்சாரம் பாய்ந்து தூக்கி வீசப்பட்டதில் படுகாயம் அடைந்த அவரை அருகில் இருந்தவா்கள் மீது மீட்டு, எடப்பாடியில் உள்ள தனியாா் மருத்துவமனையில் சிகிச்சைக்கு சோ்த்தனா். அங்கு அவருக்கு முதலுதவி சிகிச்சை அளிக்கப்பட்டது. பின்னா் தீவிர சிகிச்சைக்காக ஈரோடு அரசு மருத்துவமனைக்கு தினேஷ்குமாா் கொண்டு செல்லப்பட்டாா். அங்கு அவரை பரிசோதித்த மருத்துவா்கள் அவா் இறந்து விட்டதாகக் கூறினாா். இதையடுத்து தினேஷ்குமாரின் மனைவி மோனிஷா பூலாம்பட்டி காவல் நிலையத்தில் புகாா் அளித்ததன் பேரில், போலீஸாா் வழக்குப் பதிவு செய்து விசாரணை மேற்கொண்டு வருகின்றனா்