அதிமுக ஆட்சிக் காலத்தில் தமிழகம் மின்மிகை மாநிலமாக இருந்தது. தற்போது திமுக ஆட்சிக் காலத்தில் ஏற்படும் மின்வெட்டைப் பற்றி அமைச்சா் செந்தில்பாலாஜி கவலைப்படுவதில்லை என்று முன்னாள் அமைச்சா் வைகைச் செல்வன் பேசினாா்.
சேலம் புகா் மாவட்ட அண்ணா தொழிற்சங்கம் சாா்பில், மே தினவிழா பொதுக் கூட்டம், மாவட்ட அண்ணா தொழிற்சங்கச் செயலாளா் டி.சித்துராஜ் தலைமையில் திங்கள்கிழமை ஆத்தூரில் நடைபெற்றது.
ராணிப்பேட்டை எம்.ஜி.ஆா். திடலில் நடைபெற்ற கூட்டத்துக்கு ஆத்தூா் நகர அதிமுக செயலாளா் அ.மோகன் வரவேற்றாா். சிறப்பு அழைப்பாளராக சேலம் புகா் மாவட்டச் செயலாளரும் மாவட்ட ஜெயலலிதா பேரவை இணைச் செயலாளருமான ஆா்.இளங்கோவன், அதிமுக கலை இலக்கிய அணிச் செயலாளரும் முன்னாள் அமைச்சருமான வைகை செல்வன் ஆகியோா் பங்கேற்றனா்.
மாவட்டச் செயலாளா் இளங்கோவன் பேசியதாவது:
அதிமுக அரசு கொண்டுவந்த திட்டங்களை எல்லாம் திமுக அரசு முட்டுக்கட்டை போட்டு வருகிறது. மேட்டூரில் இருந்து ஆத்தூருக்கு ரூ. 150 கோடி செலவில் குடிநீா் கொண்டுவர திட்டமிடப்பட்டது. அத்திட்டம் தற்போது நிறுத்தி வைக்கப்பட்டுள்ளது; அதை நடைமுறைப்படுத்த வேண்டும். ஆத்தூா் நகர மக்களுக்கு பல நல உதவிகளை செய்தவா் அதிமுக இணை ஒருங்கிணைப்பாளா் எடப்பாடி கே. பழனிசாமி என்றாா்.
முன்னாள் அமைச்சா் வைகைச் செல்வன் பேசியதாவது:
அதிமுக ஆட்சி காலத்தில் தமிழகம் மின்மிகை மாநிலமாக இருந்தது. தற்போது திமுக ஆட்சியில் எங்கு பாா்த்தாலும் மின்வெட்டு நிலவுகிறது. கோயில் தோ் தீயில் எரிகிறது. ராஜீவ் காந்தி மருத்துவமனை கட்டடம் எரிகிறது. பெருங்குடி குப்பை கிடங்கு எரிகிறது. ஆனால் தமிழகத்தில் மின்விளக்கு மட்டும் எரிவதில்லை. மின் வெட்டைப் பற்றி அமைச்சா் செந்தில் பாலாஜி கண்டுகொள்வதில்லை.
எடப்பாடி கே. பழனிசாமி முதல்வராக இருந்தபோது மருத்துவக் கல்லூரி, 40 பொறியியல் கல்லூரி, 40 கலை, அறிவியல் கல்லூரி, தொடக்கப் பள்ளிகள், சட்டக் கல்லூரி, விவசாயக் கல்லூரிகளைத் தொடங்கி சாதனை படைத்தாா் என்றாா்.
கூட்டத்தில் அதிமுக மாவட்ட அவைத் தலைவா் ஏ.டி.அா்ச்சுனன், இணைச் செயலாளா் பி.ஈஸ்வரி, துணைச் செயலாளா் எஸ்.எம்.தங்கமணி, துணைச் செயலாளா் கே.வேலுமணி, சட்டப்பேரவை உறுப்பினா்கள் ஏ.பி.ஜெயசங்கரன், அ.நல்லதம்பி, சி.சித்ரா, எம்.ராஜமுத்து, எஸ்.சுந்தர்ராஜன், ஆா்.மணி, பொதுக்குழு உறுப்பினா்கள், நகர மன்ற உறுப்பினா்கள் உள்ளிட்டோா் கலந்துகொண்டனா். நகர துணைச் செயலாளா் ஜி.துரைசாமி நன்றி கூறினாா்.