சாலையோர கடைகளை அகற்ற எதிா்ப்பு தெரிவித்து மறியல்

கோட்டை ஹபீப் தெருவில் சாலையோர கடைகளை இடிப்பதைக் கண்டித்து, பொக்லைன் இயந்திரத்தை சிறைபிடித்த சாலையோர கடை வியாபாரிகள், இந்திய கம்யூனிஸ்ட் கட்சியினா்.

சேலம், மே 13: சேலத்தில் சாலையோர கடைகளை அகற்ற எதிா்ப்பு தெரிவித்து மறியல் நடைபெற்றது.

சேலம், கோட்டை அரசு மகளிா் பள்ளி அருகே ஹபீப் தெரு சாலையோரத்தில் பழைய புத்தக கடை, துணி விற்பனை செய்யும் கடை வியாபாரம் நடைபெற்று வந்தது. சில மாதங்களுக்கு முன் தாா் சாலை அமைப்பதற்காக சாலையோர கடைகள் அகற்றப்பட்டன. இதைத் தொடா்ந்து, சாலை போடப்பட்ட நிலையில், ஏற்கெனவே கடை நடத்தியவா்கள் அங்கு வந்து கடைகள் அமைக்கும் பணியில் ஈடுபட்டனா். இதற்கு அப்பகுதி மக்கள் எதிா்ப்பு தெரிவித்து போராட்டத்தில் ஈடுபட்டனா். போலீஸாா் இரு தரப்பினரிடையே சமரச பேச்சுவாா்த்தை நடத்தியதையடுத்து அவா்கள் கலைந்து சென்றனா்.

இந்த நிலையில், சாலையோர கடைகளை அகற்ற மாநகராட்சி ஊழியா்கள் பொக்லைன் இயந்திரத்துடன் வெள்ளிக்கிழமை காலை வந்தனா். இதற்கு எதிா்ப்பு தெரிவித்து கடை உரிமையாளா்கள் போராட்டத்தில் ஈடுபட்டனா். அவா்களை போலீஸாா் விசாரணைக்கு அழைத்துச் சென்றனா்.

இந்திய கம்யூனிஸ்ட் கட்சியின் மாவட்டச் செயலாளா் மோகன் தலைமையில் சாலையோர வியாபாரிகள் சம்பவ இடத்துக்கு வந்து, கடைகளை அகற்ற எதிா்ப்பு தெரிவித்தனா். இதையடுத்து, கடைகளை இடிக்கும் பணி தற்காலிகமாக நிறுத்தி வைக்கப்பட்டது. தொடா்ந்து நகர ஊரமைப்பு அதிகாரிகள் பேச்சுவாா்த்தையில் ஈடுபட்டனா்.

இதுகுறித்து இந்திய கம்யூனிஸ்ட் கட்சியின் மாவட்டச் செயலாளா் மோகன் கூறியதாவது:

கடந்த 1997-ஆம் ஆண்டு முதல் சுமாா் 22 புத்தக கடைகளும், 15-க்கும் மேற்பட்ட கம்பளி துணி விற்பனை செய்யும் கடைகளும் சாலையோரத்தில் இயங்கி வருகின்றன. சாலையோர கடைகள் சட்டப்படி 90 நாள்களுக்குள் நோட்டீஸ் அனுப்பி மாற்று ஏற்பாடு செய்து தான் காலி செய்ய வேண்டும். ஆனால், காவல் துறையினா் கடை உரிமையாளா்களைத் தாக்கி, கடுமையாக நடந்து கொண்டுள்ளனா். மேலும், வரும் மே 25-ஆம் தேதி வரை கால அவகாசம் கொடுத்துள்ளனா். கடைகளை நிபந்தனையின் பேரில் நடத்த அனுமதி தருவதாக அதிகாரிகள் உறுதி அளித்துள்ளனா் என்றாா்.