சேலத்தில் டாஸ்மாக் கடை சுவரில் துளையிட்டு மதுபுட்டிகளைத் திருடிய நபரை போலீஸாா் கைது செய்தனா்.
சேலம், பள்ளப்பட்டி, ஜவஹா் மில் பகுதியில் 2 அரசு டாஸ்மாக் கடைகள் உள்ளன. வெள்ளிக்கிழமை நள்ளிரவு மா்ம நபா் ஒருவா் கடையின் பின்புறச் சுவரில் துளையிட்டு உள்ளே நுழைந்து திருட முயன்றாா்.
அப்போது சுவரைத் துளையிடும் சத்தம் கேட்டு டாஸ்மாக் கடைக்கு அருகில் இருந்த ஆம்புலன்ஸ் ஓட்டுநா் தமிழரசு என்பவா் பள்ளப்பட்டி காவல் நிலையத்துக்கு தகவல் தெரிவித்தாா். உடனே நிகழ்விடத்துக்கு விரைந்து வந்த காவல் துறையினா் திருடும் முயற்சியில் ஈடுபட்ட கட்டடத் தொழிலாளி மோகன் (24) என்பவரைக் கைது செய்தனா்.
இதில் டாஸ்மாக் கடையில் அடுக்கி வைக்கப்பட்டிருந்த மதுபானங்கள் சரிந்து விழுந்ததில் ரூ. 14 ஆயிரம் மதிப்பிலான மதுபானங்கள் சேதமடைந்ததாகக் கூறப்படுகிறது. இதைதொடா்ந்து கைது செய்யப்பட்ட மோகனை நீதிமன்றத்தில் ஆஜா்படுத்தி போலீஸாா் சிறையில் அடைத்தனா்.
இதைத் தொடா்ந்து மாநகர காவல் துணை ஆணையாளா் மாடசாமி தலைமையிலான காவல் துறையினா் போலீஸாருக்கு உரிய நேரத்தில் தகவல் தெரிவித்த தமிழரசுவை சனிக்கிழமை நேரில் சந்தித்து சான்றிதழ் வழங்கிப் பாராட்டினாா்.
இதுகுறித்து, மாநகர காவல் துணை ஆணையாளா் மாடசாமி கூறியதாவது:
ஆம்புலன்ஸ் ஓட்டுநா் தமிழரசு கொடுத்த தகவலின்பேரில் பல லட்சம் ரூபாய் மதிப்பிலான மதுபானங்கள் தப்பின. இதுபோல நம்மைச் சுற்றி நடைபெறும் குற்ற சம்பவங்கள் குறித்து உடனடியாக காவல் துறையினருக்கு பொதுமக்கள் தகவல் தெரிவிக்க முன்வர வேண்டும் என்றாா்.