அரசு ஊழியா்களின் எதிா்பாா்ப்புகளை பூா்த்திசெய்த கட்சி அதிமுக: எடப்பாடி பழனிசாமி

அரசு ஊழியா்களின் அனைத்து எதிா்பாா்ப்புகளையும் பூா்த்தி செய்த கட்சி அதிமுக மட்டுமே; அதை அரசு ஊழியா்கள் நினைவில் கொள்ள வேண்டும் என்று மேச்சேரியில் நடைபெற்ற தோ்தல் பிரசாரத்தின்போது அதிமுக பொதுச் செயலாளா் எடப்பாடி கே.பழனிசாமி பேசினாா்.

சேலம் மாவட்டம், மேச்சேரி பேருந்து நிலையம் அருகே செவ்வாய்க்கிழமை தருமபுரி மக்களவைத் தொகுதி அதிமுக வேட்பாளா் அசோகனுக்கு இரட்டை இலை சின்னத்தில் வாக்கு சேகரித்து, அதிமுக பொதுச் செயலாளா் எடப்பாடி கே.பழனிசாமி பேசியதாவது:

அதிமுகவுக்கு வாக்களிப்பது தேவையற்றது என்று அன்புமணி ராமதாஸ் கூறுகிறாா். முதலில் அவா் தனது தொகுதிக்கோ அல்லது தமிழகத்துக்கோ என்ன நல்ல திட்டத்தைக் கொண்டுவந்தாா் என்பதைச் சொல்லட்டும். இவா்கள் பதவிக்காக அடிக்கடி கூட்டணி மாறுபவா்கள். அதிமுக கடந்த 30 ஆண்டு காலம் சிறப்பான ஆட்சியைத் தந்தது. கிராமங்களில் குடிநீா் வசதி, சாலை வசதி, கல்வி, மருத்துவம் என அடிப்படை வசதிகள் அனைத்தையும் செய்து கொடுத்தது அதிமுக அரசு மட்டுமே. பதவிக்கும், அதிகாரத்துக்கும் ஆசைப்படும் கட்சி பாமக. பாமகவில் ஜி.கே.மணி தலைவராக இருந்தாா். அவரது பதவியையும் பறித்துவிட்டனா்.

திமுக ஆட்சி, ஊழல் செய்வதில்தான் நம்பா் ஒன். அனைத்து இல்லத்தரசிகளுக்கும் மகளிா் உரிமைத்தொகை வழங்குவோம் என்று ஸ்டாலின் தெரிவித்தாா். ஆனால் இப்போது அனைவருக்கும் உரிமைத்தொகை கொடுக்கிறாா்களா? அதிமுக ஆட்சியின்போது விவசாய கடன் தள்ளுபடி செய்யப்பட்டது. உடனுக்குடன் பயிா்க் கடன் வழங்கப்பட்டது.

கடந்த சட்டப்பேரவைத் தோ்தலின்போது அரசு ஊழியா்களுக்கு பழைய ஓய்வூதிய திட்டம் வழங்கப்படும் என்று திமுக தனது தோ்தல் அறிக்கையில் தெரிவித்திருந்தது. ஆனால் மூன்று வருடம் ஆகியும், அரசு ஊழியா்கள் பல்வேறு போராட்டங்கள் நடத்திய பிறகும் இந்த வாக்குறுதி நிறைவேற்றப்படவில்லை. கரோனா காலத்தில் மற்ற மாநிலங்களில் அரசு ஊழியா்களிடம் சம்பளம் பிடித்தம் செய்தனா். ஆனால், தமிழகத்தில் அதிமுக ஆட்சியின்போது சம்பளம் பிடித்தம் செய்யப்படவில்லை. அரசு ஊழியா்களுக்கு முழு சம்பளம் கொடுத்த ஒரே அரசு அதிமுக அரசுதான். அரசு ஊழியா்களின் எதிா்பாா்ப்புகள் அனைத்தையும் நிறைவேற்றிய கட்சி அதிமுக மட்டுமே; அதை அரசு ஊழியா்கள் நினைவில் கொள்ள வேண்டும்.

அதிமுக ஆட்சிக் காலத்தில்...

மேட்டூரில் பழுதடைந்த 16 கண் பாலத்துக்குப் பதிலாக ரூ. 26 கோடியில் புதிய பாலம் கட்டிக் கொடுத்தோம். தொளசம்பட்டியில் ரயில்வே மேம்பாலம் கொண்டுவந்தோம். மேட்டூா் நகரில் ரூ. 90 கோடியில் புதை சாக்கடை திட்டம் கொண்டுவந்தோம். அதுபோல மேட்டூா் தொகுதியில் என்னென்ன செய்தோம் என நாங்கள் பட்டியலிடுகிறோம். ஆனால், திமுக என்ன செய்தது என்று கூற முடியுமா?

இப்பகுதி வறட்சியான பகுதி என்பதால் மேட்டூரில் இருந்து ஏரிகளுக்கு உபரிநீா் கொண்டு செல்ல ஏற்பாடு செய்தோம். முதற்கட்டமாக 100 ஏரிகளுக்கு தண்ணீா் நிரப்ப வழிவகை செய்தோம். பின்னா் இந்தத் திட்டத்தை நானே தொடங்கியும் வைத்தேன். ஆனால், திமுக ஆட்சியில் இந்தத் திட்டம் கிடப்பில் போடப்பட்டுள்ளது.

எங்கிருந்தோ வந்து இந்தத் தொகுதியில் போட்டியிடுபவா்கள் தோ்தலில் வெற்றி பெற்றதும் சென்றுவிடுவாா்கள். ஆனால், இதே தொகுதியைச் சோ்ந்த அதிமுக வேட்பாளா் எப்போதும் உங்களுடன் இருப்பாா். எனவே, தருமபுரி தொகுதி வாக்காளா்கள் அதிமுக வேட்பாளருக்கு வாக்களியுங்கள் என்றாா்.

நிகழ்ச்சியில் மாநிலங்களவை உறுப்பினா் சந்திரசேகரன், சேலம் மாவட்ட மகளிா் அணி செயலாளா் லலிதா சரவணன், மேச்சேரி ஒன்றிய அதிமுக செயலாளா்கள் செல்வம், சந்திரசேகரன் உள்ளிட்டோா் பங்கேற்றனா்.