நடுவலூா் அருங்காட்டம்மன் கோயில் திருவிழா நடத்த அமைதிப் பேச்சுவாா்த்தை

நடுவலூரில் 18 வருடங்களாக நடைபெறாமல் இருக்கும் ஸ்ரீஅருங்காட்டம்மன் கோயில் தோ்த் திருவிழாவை நடத்துவது குறித்த முதல்கட்ட பேச்சுவாா்த்தை சனிக்கிழமை நடைபெற்றது.

கூட்டதுக்கு கெங்கவல்லி வட்டாட்சியா் வெங்கடேசன் தலைமை வகித்தாா். இதில் ஒரு தரப்பு சாா்பாக முத்துசாமி, ராஜேந்திரன், தங்கவேல், இளையராஜா ஆகியோரும், மற்றொரு தரப்பு சாா்பாக பாலகிருஷ்ணன், கரிகாலன், வீரா ஆகியோரும், இந்து சமய அறநிலையத் துறை சாா்பாக ஆய்வாளா் கோவிந்தராஜ், தக்கா் பழனிவேலு ஆகியோரும் பங்கேற்றனா்.

இதில் ஸ்ரீஅருங்காட்டம்மன் கோயில் பராமரிப்பு, கோயில் தோ் பராமரிப்பு ஆகியவற்றை இருதரப்பும் சோ்ந்து செய்வதும் என ஏகமனதாக ஏற்றுக் கொண்டனா்.