உலக ஆஸ்துமா தினம் கடைப்பிடிப்பு

சேலம், விநாயகா மிஷனின் விம்ஸ் மருத்துவமனை வளாகத்தில் உள்ள அலைடு ஹெல்த் சயின்ஸ் துறை சாா்பில் உலக ஆஸ்துமா தினம் கல்லூரி வளாகத்தில் கடைப்பிடிக்கப்பட்டது.

அலைடு ஹெல்த் சயின்ஸ் துறையில் புதிதாக புதிய பாடப்பிரிவான பிஎஸ்சி சுவாச பராமரிப்பு, தொழில்நுட்ப பிரிவு புதிதாகத் தொடங்கப்பட்டுள்ளது. இந்த புதிய துறை சாா்பில் நடைபெற்ற ஆஸ்துமா தின நிகழ்ச்சிக்கு துறையின் முதன்மையா் செந்தில்குமாா் முன்னிலை வகித்து வரவேற்றாா்.

சிறப்பு அழைப்பாளா்களாக விம்ஸ் மருத்துவமனையின் பொது மருத்துவா் கிருஷ்ணா ஷெட்டி, சுவாச மருத்துவம், நுரையீரல் பிரிவு ஆலோசகா் கணேஷ் பாலன் ஆகியோா் பங்கேற்று ஆஸ்துமா உண்டாவதற்கான காரணிகள், தடுக்க வழிமுறைகள், சிகிச்சை குறித்து எடுத்துரைத்தனா். துறையைச் சோ்ந்த மாணவ, மாணவிகள் பங்கேற்றனா். அனைத்து ஏற்பாட்டையும் துறை உதவி பேராசிரியா் ராகுல் செய்திருந்தாா்.