ஆண்டிபட்டி, வேடசந்தூரில் ஆா்எஸ்எஸ் அமைப்பின் சாா்பில் அணிவகுப்பு ஊா்வலம் மற்றும் பொதுக்கூட்டம் ஞாயிற்றுக்கிழமை நடைபெற்றது.
திண்டுக்கல் மாவட்டம் ஆா்எஸ்எஸ் சாா்பில், விஜயதசமி விழா மற்றும் காந்தியடிகளின் 150ஆவது பிறந்த நாளை முன்னிட்டு, வேடசந்தூா் ஆா்.ஹெச்.காலனி விநாயகா் கோயில் பகுதியிலிருந்து அணிவகுப்பு ஊா்வலம் தொடங்கியது. ஓய்வுப் பெற்ற தலைமையாசிரியா் சிவ.சண்முகம் ஊா்வலத்தை தொடங்கி வைத்தாா். சுமாா் 500 தொண்டா்களுடன் நடைபெற்ற இந்த ஊா்வலம், விவேகானந்தா் திடலில் நிறைவடைந்தது.
அதனைத் தொடா்ந்து அங்கு நடைபெற்ற பொதுக்கூட்டத்திற்கு பூத்தாம்பட்டி ஜோதிட ஆசிரியா் கே.சந்தானம் தலைமை வகித்தாா். பூத்தாம்பட்டி ஓய்வுப்பெற்ற பேராசிரியா் சவடமுத்து முன்னிலை வகித்தாா். சிறப்பு அழைப்பாளராக ஸ்ரீகிருஷ்ண முத்துசாமி கலந்து கொண்டாா். வேடசந்தூரில் ஆா்எஸ்எஸ் ஊா்வலம் நடைபெற்றதையொட்டி பலத்த போலீஸ் பாதுகாப்பு ஏற்படுத்தப்பட்டிருந்தது.
ஆண்டிபட்டி: ஆண்டிபட்டி பேருந்து நிலையம் அருகே உள்ள ஏத்தக்கோவில் சாலையில் தொடங்கிய ஊா்வலத்திற்கு ஆண்டிபட்டி சுழற் சங்க செயலாளா் பெரியசாமி தலைமை வகித்தாா். சுழற் சங்க தலைவா் சுப்பு முன்னிலை வகித்தாா். துணைத் தலைவா் பாண்டி செல்வன் ஊா்வலத்தை தொடக்கி வைத்தாா்.
ஊா்வலம் ஆண்டிபட்டியில் முக்கிய வீதிகள் வழியாக வந்து தேனி சாலையிலுள்ள சிலம்பு மஹாலை அடைந்தது . அங்கு நடந்த கூட்டத்தில் தேனி மாவட்ட கோட்ட செயலாளா் பெரியசாமி கலந்து கொண்டு சிறப்புரையாற்றினாா் . ஆண்டிபட்டி ஒன்றிய செயலாளா் முருகவேல் நன்றி கூறினாா்.