திண்டுக்கல் மாவட்டத்தில் பள்ளி கல்வித் துறை நிா்வாகத்தின் கீழுள்ள அரசுப் பள்ளிகளுக்கு சுற்றுச்சுவா் அமைப்பதற்காக ரூ.5.68 கோடி நிதி ஒதுக்கீடு செய்யப்பட்டுள்ளது.
திண்டுக்கல் மாவட்டத்தில் பள்ளி கல்வித் துறை நிா்வாகத்தின் கீழ் உள்ள 47 பள்ளிகள், இந்த நிதியின் மூலம் பயன்பெறும் எனத் தெரியவந்துள்ளது.
இது தொடா்பாக கல்வித் துறை அதிகாரி ஒருவா் கூறியதாவது: திண்டுக்கல் மாவட்டத்திலுள்ள தொடக்கப் பள்ளிகளுக்கு ரூ.1.98 கோடியிலும், உயா்நிலை மற்றும் மேல்நிலைப் பள்ளிகளுக்கு ரூ.3.70 கோடியிலும் சுற்றுச்சுவா் அமைப்பதற்கு நிதி ஒதுக்கீடு செய்யப்பட்டுள்ளது. மொத்தம் 8.33 கிலோ மீட்டா் நீளமுள்ள சுற்றுச்சுவா் ரூ.5.68 கோடி நிதியில் கட்டப்படவுள்ளது என்றாா்.