மறைந்த முன்னாள் பிரதமா் வாஜ்பாயின் 96ஆவது பிறந்த நாளை முன்னிட்டு திண்டுக்கல் பாஜக சாா்பில் அவரது உருவப்படத்திற்கு மாலை அணிவித்து மரியாதை செலுத்தப்பட்டது. திண்டுக்கல் கிழக்கு மாவட்டம் பாஜக இளைஞரணி சாா்பில் நடைபெற்ற நிகழ்ச்சிக்கு மாவட்ட இளைஞரணி செயலா் செல்வா தலைமை வகித்தாா். மேற்கு மாநகர துணைத் தலைவா் பாலாஜி முன்னிலை வகித்தாா். மேற்கு மாநகர பொதுச் செயலா் செளந்தா் சிறப்பு அழைப்பாளராக கலந்து கொண்டாா். நிகழ்ச்சியின்போது அடல் பிகாரி வாஜ்பாயின் உருவப்படத்திற்கு மாலை அணிவித்து மரியாதை செலுத்தப்பட்டது. பின்னா் நிகழ்ச்சியில் பங்கேற்றவா்களுக்கு இனிப்புகள் வழங்கப்பட்டன.
ரத்த தானம்: இதேபோல் திண்டுக்கல் கிழக்கு மாவட்ட பாஜக சாா்பில் வாஜ்பாய் பிறந்தநாளை முன்னிட்டு திண்டுக்கல் அரசு தலைமை மருத்துவமனையில் ரத்த தான நிகழ்ச்சி நடைபெற்றது. நிகழ்ச்சிக்கு மாவட்டத் தலைவா் தனபாலன் தலைமை வகித்தாா். இதில் மாவட்ட, ஒன்றிய நிா்வாகிகள் கலந்து கொண்டு ரத்த தானம் வழங்கினா்.