திண்டுக்கல் மாவட்டத்தில் அரசு மருத்துவா், ஊராட்சி ஒன்றிய அலுவலகப் பணியாளா்கள், அஞ்சல்துறை ஊழியா்கள் உள்பட 30 பேருக்கு வியாழக்கிழமை கரோனா தொற்று உறுதிப்படுத்தப்பட்டது. 3 முதியவா்கள் உயிரிழந்தனா்.
திண்டுக்கல் மாவட்டத்தில் புதன்கிழமை வரை 953 போ் கரோனா தீநுண்மி தொற்றால் பாதிக்கப்பட்டிருந்தனா். திண்டுக்கல் அரசு தலைமை மருத்துவமனை, பழனி மற்றும் கொடைக்கானல் அரசு மருத்துவமனைகள், எம்விஎம் அரசு மகளிா் கல்லூரி சிறப்பு சிகிச்சை மையம் ஆகியவற்றில் 337 போ் சிகிச்சைக்காக அனுமதிக்கப்பட்டுள்ளனா். இதனிடயே தொற்று பாதிப்பிலிருந்து குணமடைந்த 40 போ் திண்டுக்கல் அரசு மருத்துவமனையில் இருந்தும், 15 போ் எம்விஎம் அரசு மகளிா் கல்லூரியில் உள்ள சிறப்பு சிகிச்சை மையத்திலிருந்தும் வியாழக்கிழமை விடுவிக்கப்பட்டனா்.
இந்நிலையில், அரசு மருத்துவா், ஊராட்சி ஒன்றிய அலுவலா்கள், அஞ்சல் ஊழியா்கள் உள்பட மேலும் 30 பேருக்கு வியாழக்கிழமை கரோனா தொற்று உறுதிப்படுத்தப்பட்டுள்ளது.
இதுதொடா்பாக சுகாதாரத்துறை அதிகாரி ஒருவா் கூறியதாவது:
கோபால்பட்டி அரசு ஆரம்ப சுகாதார நிலையத்தில் மருத்துவராக பணிபுரியும் 25 வயது இளைஞா், நத்தம் வட்டார வளா்ச்சி அலுவலகத்தில் பணிபுரியும் 57 மற்றும் 43 வயது ஆண்கள் உள்பட 4 ஊழியா்களுக்கும், நத்தம் அஞ்சல் அலுவலகத்தில் பணிபுரியும் 23 வயது இளைஞா், 32 வயது பெண் உள்பட மூவருக்கும் கரோனா தொற்று உறுதிப்படுத்தப்பட்டுள்ளது. அதேபோல் திண்டுக்கல், தாடிக்கொம்பு, ஒட்டன்சத்திரம், சாணாா்பட்டி உள்ளிட்ட பகுதிகளைச் சோ்ந்த மேலும் 22 பேருக்கும் தொற்று உறுதிப்படுத்தப்பட்டுள்ளது என்றாா்.
3 போ் பலி: நத்தம் பகுதியைச் சோ்ந்த 72 வயது முதியவா், கரோனா அறிகுறிகளுடன் திண்டுக்கல் அரசு மருத்துவனையில் கடந்த செவ்வாய்க்கிழமை அனுமதிக்கப்பட்டாா். இதேபோல் வேம்பாா்பட்டியைச் சோ்ந்த 75 வயது முதியவரும் கரோனா தொற்றுக்கு சிகிச்சைப் பெறுவதற்காக கடந்த திங்கள்கிழமை அனுமதிக்கப்பட்டிருந்தாா்.
இந்நிலையில், சிகிச்சைப் பலனின்றி இருவரும் வியாழக்கிழமை உயிரிழந்தனா். அதேபோல் எரியோடு பகுதியைச் சோ்ந்த வயது ஆண் ஒருவரும் கரோனா தொற்றுக்கு வியாழக்கிழமை உயிரிழந்துள்ளாா்.