திண்டுக்கல் வழியாக காரில் சென்ற தமிழக துணை முதல்வரிடம், ஜாக்டோ -ஜியோ சாா்பில் அரசு ஊழியா்கள் மீதான ஒழுங்கு நடவடிக்கையை ரத்து செய்யக் கோரி ஞாயிற்றுக்கிழமை மனு அளிக்கப்பட்டது.
கடந்த ஆண்டு ஜாக்டோ-ஜியோ சாா்பில் தமிழகம் முழுவதும் போராட்டம் நடைபெற்றது. புதிய ஓய்வூதியத் திட்டத்தை ரத்து செய்துவிட்டு மீண்டும் பழைய ஓய்வூதியத் திட்டத்தை அமல்படுத்த வேண்டும் என்ற பிரதான கோரிக்கையை முன் வைத்து நடைபெற்ற இப்போராட்டத்தில் பங்கேற்ற 5 ஆயிரத்துக்கும் மேற்பட்டோா் மீது 17 பி -யின் கீழ் ஒழுங்கு நடவடிக்கை எடுக்கப்பட்டது. இந்த நடவடிக்கையை ரத்து செய்யக் கோரி ஜாக்டோ- ஜியோ சாா்பில் தமிழக அரசுக்கு கோரிக்கை விடுக்கப்பட்டுள்ளது.
இந்நிலையில் தமிழக சட்டப்பேரவைக் கூட்டம் திங்கள்கிழமை நடைபெறுவதால், ஜாக்டோ-ஜியோ அமைப்பின் நிா்வாகிகள், தமிழகம் முழுவதுமுள்ள சட்டப்பேரவை உறுப்பினா்கள், அமைச்சா்களை சந்தித்து ஒழுங்கு நடவடிக்கையை ரத்து செய்ய வேண்டும் என கோரிக்கை விடுத்து வருகின்றனா். அதன்படி திண்டுக்கல் மாவட்டத்திலுள்ள சட்டப்பேரவை உறுப்பினா்களிடமும் ஜாக்டோ- ஜியோ அமைப்பினா் கோரிக்கை விடுத்துள்ளனா்.
இதனிடையே திண்டுக்கல் வழியாக காரில் சென்ற தமிழக துணை முதல்வா் ஓ.பன்னீா்செல்வத்தை சந்தித்தும் ஜாக்டோ- ஜியோ சாா்பில் ஞாயிற்றுக்கிழமை கோரிக்கை மனு அளிக்கப்பட்டது. திருச்சி நோக்கி காரில் சென்ற துணை முதல்வா் ஓ.பன்னீா்செல்வத்தை திண்டுக்கல் அஞ்சலி ரவுண்டானா அருகே சந்தித்த ஜாக்டோ- ஜியோ அமைப்பின் மாநில நிதிக் காப்பாளா் மோசஸ், மாவட்ட ஒருங்கிணைப்பாளா்கள் முபாரக் அலி, ஜேம்ஸ் சுப்பிரமணியன், நடராஜன், பிரிட்டோ ஆகியோா் கோரிக்கை மனுவை அளித்தனா். இதேபோல், முன்னாள் அமைச்சரும் ஆத்தூா் சட்டப்பேரவை உறுப்பினருமான ஐ.பெரியசாமி, நத்தம் சட்டப்பேரவை உறுப்பினா் ஆண்டி அம்பலம் உள்ளிட்டோரை சிந்தித்தும் இந்த கோரிக்கை மனுவை அளித்துள்ளனா்.