ஒட்டன்சத்திரத்தில் மாநில ஊரக வாழ்வாதார இயக்கம் (மகளிா் திட்டம்), மாவட்ட வேலை வாய்ப்பு மற்றும் தொழிற்நெறி வழிகாட்டு மையம் ஆகியவை சாா்பில் தனியாா் துறை வேலைவாய்ப்பு சிறப்பு முகாம் தனியாா் கல்லூரி வளாகத்தில் ஞாயிற்றுக்கிழமை நடைபெற்றது.
முகாமுக்கு, திண்டுக்கல் மாவட்ட ஆட்சியா் ச. விசாகன் தலைமை வகித்தாா். திண்டுக்கல் மக்களவை உறுப்பினா் ப. வேலுச்சாமி முன்னிலை வகித்தாா். இதில், உணவுத்துறை அமைச்சா் அர. சக்கரபாணி கலந்து கொண்டு 2,410 பேருக்கு பணி நியமன ஆணைகளை வழங்கிப் பேசியதாவது: திண்டுக்கல் மாவட்டத்தில் 1,976 பேருக்கு இதுவரை வேலை வாய்ப்பு வழங்கப்பட்டுள்ளது.
இன்று நடைபெற்ற வேலைவாய்ப்பு முகாமில் மொத்தம் 7,020 போ் கலந்து கொண்டனா். அதில் 2,410 பேருக்கு பணி வாய்ப்பு வழங்கப்பட்டுள்ளது. வேலை வழங்கும் பணி இன்றோடு முடிவதில்லை. தொடா்ந்து கொண்டே இருக்கும். பணி கிடைக்காதவா்களின் திறன் மேம்படுத்தப்பட்டு அவா்களுக்கு பணி கிடைக்க முயற்சி எடுக்கப்படும்.
அரசுப் பணியைத்தான் பெரும்பான்மையினா் விரும்புகின்றனா். அதற்காக ஒட்டன்சத்திரத்தில் ஜஏஎஸ், ஐபிஎஸ் போன்ற தோ்வுக்கான பயிற்சி மையம் விரைவில் தொடங்கப்படும். அதே போல, திண்டுக்கல் மாவட்டத்தில் வேளாண்மைக் கல்லூரி அமைக்கப்படும் என்றாா்.
அதனைத் தொடா்ந்து 21 மாற்றுத்திறனாளிகளுக்கு இணைப்புச் சக்கரம் பொருத்தப்பட்ட ஸ்கூட்டா் மற்றும் பேட்டரி வீல் சோ்களையும் வழங்கினாா்.
இந்நிகழ்ச்சியில், வருவாய் கோட்டாட்சியா் ஆனந்தி, மாவட்ட ஊராட்சி துணைத் தலைவா் க. பொன்ராஜ், திண்டுக்கல் மாநில ஊரக மற்றும் நகா்ப்புற வாழ்வாதார இயக்கத்திட்ட அலுவலா் நா. சரவணன், மாவட்ட மாற்றுத்திறனாளிகள் நல அலுவலா் மு. ஜெயசீலி, ஒட்டன்சத்திரம் வட்டாட்சியா் எம். முத்துச்சாமி, ஒட்டன்சத்திரம் ஒன்றியத் தலைவா் மு. அய்யம்மாள் உள்ளிட்டோா் கலந்து கொண்டனா். மாவட்ட வேலை வாய்ப்பு மற்றும் தொழில்நெறி வழிகாட்டு மைய உதவி இயக்குநா் ச.பிரபாவதி நன்றி கூறினாா்.