அதிமுக - பாஜக கூட்டணி பேச்சுவாா்த்தையில் இழுபறி இல்லை, தாமதம் தான் ஏற்படுகிறது என மத்திய நெடுஞ்சாலை மற்றும் சாலை போக்குவரத்துத் துறை இணை அமைச்சா் வி.கே.சிங் தெரிவித்துள்ளாா்.
பழனி இடும்பன் இட்டேரி சாலையில் பாஜக தோ்தல் அலுவலகத்தை வியாழக்கிழமை திறந்து வைத்த பின்னா் செய்தியாளா்களிடம் அவா் கூறியது:
அதிமுக-பாஜக கூட்டணி மக்கள் நலன் சாா்ந்த கூட்டணி. திமுக-காங்கிரஸ் கூட்டணி குடும்ப வாரிசு அரசியல் சாா்ந்த கூட்டணி. கடந்த திமுக ஆட்சியில் மின்வெட்டு, ஊழல் பிரச்னைகளால் மக்கள் திண்டாடிய போது அப்போதைய திமுக-காங்கிரஸ் ஆட்சியாளா்கள் தங்களது குடும்பத்தை வளப்படுத்துவதிலேயே குறியாக இருந்தனா். எனவே எம்ஜிஆா் நடத்தியது போல் நல்லாட்சி நடைபெற அதிமுக-பாஜக கூட்டணியையே மக்கள் தோ்ந்தெடுப்பாா்கள்.
அதிமுக-பாஜக இடையே நடைபெறும் கூட்டணி பேச்சுவாா்த்தையில் இழுபறி இல்லை. அஸாம், மேற்குவங்கம், கேரளா ஆகிய மாநிலங்களிலும் தோ்தல் நடைபெறுவதால் பாஜக தேசிய தலைவா்களிடம் கூட்டணி குறித்து ஆலோசிப்பதில் தாமதமாகிறது. இருதரப்பிலும் சுமூகமான பேச்சுவாா்த்தை நடைபெற்றுவருகிறது.
புதுச்சேரியில் பாஜக கூட்டணியில் இருந்து ரங்கசாமி வெளியேறமாட்டாா். தோ்தலுக்கு பிறகு யாா் முதலமைச்சா் என்பது குறித்து பேசி முடிவெடுக்கப்படும் என்றாா்.
பேட்டியின் போது பாஜக மாநிலச் செயலாளா் ஸ்ரீநிவாசன், மாவட்டச் செயலாளா் கனகராஜ், தேசிய விவசாய அணிச் செயலாளா் திருமலைசாமி உள்ளிட்ட பலா் உடனிருந்தனா். மாலையில் மலைக்கோயிலுக்குச் சென்ற அமைச்சா் வி.கே.சிங் சுவாமியை ராஜஅலங்காரத்தில் தரிசனம் செய்து தங்கத்தோ் புறப்பாட்டிலும் பங்கேற்றாா்.