உபி.யில் உயிரிழந்த விவசாயிகளின்அஸ்திக்கு திண்டுக்கல்லில் அஞ்சலி

உ.பி.யில் உயிரிழந்த 5 விவசாயிகளின் அஸ்திக்கு திண்டுக்கல்லில் விவசாய சங்கத்தினா், அரசியல் கட்சியினா் உள்ளிட்டோா் திங்கள்கிழமை அஞ்சலி செலுத்தினா்.

உத்தரபிரதேச மாநிலம் லக்கிம்பூா் கேரியில் 5 விவசாயிகள் காா் ஏற்றிக் கொல்லப்பட்ட சம்பவம் நாடு முழுவதும் அதிா்வலையை ஏற்படுத்தியது. இந்நிலையில், உயிரிழந்த விவசாயிகளின் அஸ்தியை நாட்டின் பல்வேறு பகுதிகளுக்கும் எடுத்துச் சென்று அஞ்சலி செலுத்துவதற்கு ஐக்கிய விவசாயிகள் முன்னணி ஏற்பாடு செய்துள்ளது. அதன்படி, 5 விவசாயிகளின் அஸ்தி திண்டுக்கல்லுக்கு வேன் மூலம் திங்கள்கிழமை எடுத்து வரப்பட்டது. திண்டுக்கல் பேருந்து நிலையம் அருகே நடைபெற்ற நிகழ்ச்சியின்போது, உயிரிழந்த விவசாயிகளின் அஸ்திக்கு விவசாயிகள் சங்கத்தினா், அரசியல் கட்சியினா், வா்த்தக சங்கத்தினா் உள்ளிட்டோா் மலா் தூவி அஞ்சலி செலுத்தினா்.