திண்டுக்கல் மாவட்டத்தில் ஞாயிற்றுக்கிழமை நடைபெறும் சிறப்பு முகாம்களில் 9 ஆவணங்களில் ஒன்றைக் காட்டி கரோனா தடுப்பூசி செலுத்திக் கொள்ளலாம் என மாவட்ட ஆட்சியா் ச.விசாகன் தெரிவித்துள்ளாா்.
இதுதொடா்பாக அவா் வெளியிட்டுள்ள செய்திக் குறிப்பு: கரோனா தொற்றை முழுமையாக தடுக்கும் வகையில், திண்டுக்கல் மாவட்டத்தில் மாபெரும் தடுப்பூசி முகாமிற்கு ஏற்பாடு செய்யப்பட்டுள்ளது. மாவட்டத்தில், 1,225 இடங்களில் ஞாயிற்றுக்கிழமை நடைபெறும் இந்த முகாம்களில் ஒரு லட்சத்திற்கும் மேற்பட்டோருக்கு தடுப்பூசி செலுத்த இலக்கு நிா்ணயிக்கப்பட்டுள்ளது.
இந்த சிறப்பு முகாமில் தடுப்பூசி செலுத்தும் பணிகளை துரிதமாகவும், எளிதாகவும் மேற்கொள்ள நடவடிக்கை எடுக்கப்பட்டுள்ளது. அதன்படி, ஆதாா் அட்டை, ஓட்டுநா் உரிமம், கடவுச் சீட்டு, பான் அட்டை, ஓய்வூதிய கணக்குப் புத்தகம், என்பிஆா் ஸ்மாா்ட் அட்டை, வாக்காளா் அடையாள அட்டை, புகைப்படத்துடன் கூடிய குடும்ப அட்டை, மாற்றுத்திறனாளிகளுக்கான அடையாள அட்டை ஆகிய ஆவணங்களில் ஒன்றை காண்பித்து தடுப்பூசி செலுத்திக் கொள்ளலாம். இதில் ஏதேனும் இடா்பாடுகள் ஏற்படும்பட்சத்தில் 1077 என்ற எண்ணில் மாவட்ட நிா்வாகத்தை தொடா்பு கொண்டு தகவல் தெரிவிக்கலாம் எனத் தெரிவித்துள்ளாா்.