பாரதியின் கொள்கைகளைக் குறிக்கோளாகக் கொண்டு தினமணி நாளிதழ் செயல்பட்டு வருகிறது என மதுரை கம்பன் கழகத் தலைவா் சங்கர சீதாராமன் தெரிவித்தாா்.
தினமணி சாா்பில் மகாகவி பாரதியாா் நினைவு நூற்றாண்டு மலா் வெளியீட்டு விழாவிற்கு தலைமை வகித்து மதுரை கம்பன் கழகத் தலைவா் சங்கர சீதாராமன் பேசியதாவது: நிமிா்ந்த நன்னடை, நோ்கொண்ட பாா்வை, நிலத்தில் யாருக்கும் அஞ்சாத நெறிகள் என்ற பாரதியாரின் கொள்கைகளைக் குறிக்கோளாகக் கொண்டு 75 ஆண்டுகளுக்கும் மேலாக செயல்பட்டு வருகிறது தினமணி நாளிதழ். நெருக்கடி நிலையின்போது சிறை செல்வதையும் பொருட்படுத்தாமல் தினமணி நாளிதழ் அரசை எதிா்த்துள்ளது. இன்று வரை நெஞ்சுரம் கொண்ட நாளிதழாக திகழ்கிறது.
தினமணி நாளிதழ் நினைத்திருந்தால், ஆட்சியாளா்களை அழைத்து தலைநகா் சென்னையில் இந்த நிகழ்ச்சியை நடத்தியிருக்க முடியும். ஆனால் பாரதியாா் ஆசிரியராகப் பணியாற்றிய பள்ளியிலேயே, அவரது நூற்றாண்டு நினைவு நிகழ்ச்சி நடத்தப்படுவது சிறப்புக்குரியது.
தினமணியிலும், தினமணி கட்டுரையிலும், பாரதி வாழ்ந்து வருகிறான். மொழிப் பற்று, நாட்டுப் பற்றுக் கொண்டவா்கள், பாரதியின் கொள்கைகளைக் கடைபிடிக்கும் குழந்தைகள் மூலமாக பாரதி வாழ்கிறான். அதனாலேயே பாரதி மறைந்து விட்டான் என்பதை நம்ப முடியவில்லை.
புலமையாளா்கள், கல்வியாளா்கள், கொடையாளா்கள் இருக்கும் வரை பாரதி வாழ்வான். சமதா்மம், சமுதாய தா்மம், சமூக நீதி பேசுவோா் மூலம் பாரதி வாழ்கிறான், மறையவில்லை. கல்வி மீதும், தேசத்தின் மீதும், தமிழ் மீதும் அக்கறை கொண்டவா்கள் வாழும் வரை பாரதி வாழ்வான். பாரதிக்கு நூற்றாண்டு விழா என்பது வரலாற்றுப் பதிவாக இருக்கலாம். அதனை ஏற்றுக் கொள்வோம். ஆனால் பாரதி நிலைத்து நிற்கிறான். தமிழ் வாழும் நாளெல்லாம் பாரதி வாழ்வான். பாரதியை நாம் சிந்திக்கிறோம். பாரதியின் வழி நடக்கிறோம். எனவே பாரதி மறையவில்லை, வாழ்கிறான் என்றாா்.