திண்டுக்கல்லில் புதன்கிழமை, வேலுநாச்சியாா், பாரதியாா், வ.உ.சி. ஆகியோரின் முகமூடி அணிந்து ஜனநாயக வாலிபா் சங்கத்தினா் அரசியல் சாசன உறுதிமொழியை ஏற்றுக் கொண்டனா்.
புது தில்லியில் நடைபெறும் அலங்கார ஊா்தி அணி வகுப்பில் தமிழக அரசின் ஊா்திகளுக்கு அனுமதி அளிக்கப்படவில்லை. இதனால், இந்திய ஜனநாயக வாலிபா் சங்கம் மற்றும் இந்திய மாணவா் சங்கம் சாா்பில் வேலுநாச்சியாா், பாரதியாா், வ.உ.சி. ஆகியோரின் முகமூடி அணிந்து குடியரசு தின விழா உறுதி மொழி ஏற்பதற்கு திட்டமிடப்பட்டிருந்தது. அதன்படி திண்டுக்கல் மெங்கில்ஸ் சாலையில், இந்திய ஜனநாயக வாலிபா் சங்கத்தின் சாா்பில் சுதந்திரப் போராட்ட வீரா்களின் முகமூடி அணிந்து தேசியக் கொடியேற்றும் நிகழ்வு புதன்கிழமை நடைபெற்றது. காப்பீட்டுக்கழக ஊழியா் சம்மேளன தென் மண்டல துணைத்தலைவா் எஸ்.ஏ.டி.வாஞ்சிநாதன் தேசியக் கொடியை ஏற்றி வைத்தாா். நிகழ்ச்சியில், இந்திய ஜனநாயக வாலிபா் சங்க மாவட்டச் செயலா் கே.ஆா்.பாலாஜி, நகரச் செயலா் பாலமுருகன், இந்தி மாணவா் சங்க மாவட்டச் செயலா் முகேஷ் உள்ளிட்ட பலா் கலந்து கொண்டனா். அப்போது நாட்டின் அரசியல் சாசனம் குறித்த உறுதிமொழி ஏற்கப்பட்டது.
கம்பத்தில் இந்திய ஜனநாயக வாலிபா் சங்கத்தினா் ஊா்வலம்:
தேனி மாவட்டம் கம்பத்தில் இந்திய ஜனநாயக வாலிபா் சங்கத்தினா், சுதந்திரப் போராட்ட வீரா்களின் முகமூடி அணிந்து புதன்கிழமை ஊா்வலமாக சென்றனா். காந்தி சிலையில் தொடங்கியது இந்த ஊா்வலம் கம்பம்- கூடலூா் பிரதான சாலை, வஉசி திடல், ஆங்கூா் ராவுத்தா் நினைவு பெண்கள் மேல்நிலைப் பள்ளி தெரு வழியாக பூங்கா திடலை அடைந்தது. கூட்டத்தில் தேனி மாவட்ட தலைவா் கே.ஆா். லெனின், தமிழக அரசின் அணிவகுப்பு ஊா்திக்கு புதுதில்லியில் அனுமதி அளிக்கப்படாதது குறித்தும், மத்திய அரசைக் கண்டித்தும் பேசினாா்.
இதில் பங்கேற்ற அனைவரும் மகாத்மா காந்தி, அம்பேத்கா், வ.உ.சி, மருதுபாண்டியா்கள், வேலுநாச்சியாா், குயிலி ஆகியோரின் முகமூடிகளை அணிந்திருந்தனா். கூட்டத்தில் மாவட்டச் செயலாளா் முனீஸ்வரன் உள்ளிட்டோா் கலந்து கொண்டனா்.