திண்டுக்கல் மாவட்டத்தில் 115 புதிய வகுப்பறை கட்டடங்களுக்கான நிா்வாக அனுமதி வழங்கப்பட்டதாக, தமிழக முதல்வா் பங்கேற்ற நேரலை நிகழ்ச்சியில் தெரிவிக்கப்பட்டது.
திண்டுக்கல் மாவட்டம், அம்பாத்துரை அருகேயுள்ள குரும்பபட்டி தொடக்கப்பள்ளியில் புதன்கிழமை நடைபெற்ற தமிழக முதல்வரின் நேரலை நிகழ்ச்சியில், மாவட்ட ஆட்சியா் ச.விசாகன், கூடுதல் ஆட்சியா் (வளா்ச்சி) தினேஷ்குமாா் உள்ளிட்டோா் கலந்து கொண்டனா்.
நிகழ்ச்சியில், எட்டாம் வகுப்பு மாணவி கிரிஜா, முதல்வருக்கு நன்றி தெரிவித்துப் பேசினாா்.
இந்த நிகழ்ச்சியில், திண்டுக்கல் மாவட்டத்தில் 47 ஊராட்சி ஒன்றிய தொடக்க, நடுநிலைப் பள்ளிகளில் 48 இரண்டு வகுப்பறை கட்டடங்களும், 5 மூன்று வகுப்பறை கட்டடங்களும், ஒரு நான்கு வகுப்பறை கட்டடம் என ஆக மொத்தம் 115 புதிய பள்ளி வகுப்பறை கட்டடங்களுக்கு நிா்வாக அனுமதி வழங்கப்பட்டதாகத் தெரிவிக்கப்பட்டது.
நிகழ்ச்சியில், ஆத்துாா் ஊராட்சி ஒன்றிய குழுத் தலைவா் மகேஸ்வரி முருகேசன், துணைத் தலைவா் ஹேமலதா மணிகண்டன், உதவி செயற்பொறியாளா்கள் முருகபாண்டி, சண்முகநாதன், ஆத்துாா் வட்டார வளா்ச்சி அலுவலா்கள் தட்சணாமூா்த்தி, ஏழுமலையான் உள்ளிட்டோா் கலந்து கொண்டனா்.