முதுகுளத்தூரில் வாக்குசாவடி மையங்களுக்கு பிரித்து அனுப்பப்படும் இயந்திரங்களை மாவட்ட ஆட்சியர் கொ.வீரராகவராவ் வெள்ளிக்கிழமை ஆய்வு செய்தார்.
ராமநாதபுரம் மக்களவைத் தொகுதிக்கு உள்பட்ட முதுகுளத்தூர் சட்டப்பேரவைத் தொகுதியில் 383 வாக்குசாவடி மையங்கள் அமைக்கபட்டுள்ளன. வாக்குசாவடி மையங்களுக்கு இயந்திரங்களை பிரித்து அனுப்பும் பணி மற்றும் இயந்திரங்களில் வேட்பாளர் சின்னம், பெயர் ஒட்டும் பணி முதுகுளத்தூர் வேளாண்மை ஒழுங்குமுறை விற்பனை கூடத்தில் நடைபெற்றது.
இவற்றை மாவட்ட தேர்தல் அலுவலர் கொ.வீரராகவராவ் நேரில் ஆய்வு செய்தார். ஆய்வின் போது முதுகுளத்தூர் வட்டாட்சியர் மீனாட்சி பரமசிவன் மற்றும் அதிகாரிகள் உடனிருந்தனர்.