Enable Javscript for better performance
மன்னார் வளைகுடாவில் சூறைக் காற்று: 10 ஆவது நாளாக மீனவர்கள் மீன்பிடிக்க செல்ல தடை: மீன்பிடித் தொழில்- Dinamani

உடனுக்கு உடன் செய்திகள்

    மன்னார் வளைகுடாவில் சூறைக் காற்று: 10 ஆவது நாளாக மீனவர்கள் மீன்பிடிக்க செல்ல தடை: மீன்பிடித் தொழில் முடக்கம்

    By DIN  |   Published On : 11th August 2019 04:34 AM  |   Last Updated : 11th August 2019 04:34 AM  |  அ+அ அ-  |  


    மன்னார் வளைகுடா கடல் பகுதியில் தொடர்ந்து சூறைக்காற்று வீசுவதால் ராமேசுவரம், பாம்பன், மண்டபம் உள்ளிட்ட பகுதிகளில் இருந்து மீனவர்கள் 10 ஆவது நாளாக மீன்பிடிக்க செல்ல மீன்வளத்துறையினர் சனிக்கிழமை தடை விதித்தனர். இதனால் மீன்பிடித் தொழில் முடங்கியுள்ளது.
    மன்னார் வளைகுடா கடல் பகுதியில் கடந்த 10 நாள்களுக்கும் மேலாக சூறைக்காற்று வீசுவதால் ராமநாதபுரம் மாவட்டம் முழுவதும் மீனவர்கள் மீன்பிடிக்க செல்ல மீன் வளத்துறையினர் தொடர்ந்து தடை விதித்து வருகின்றனர். 
    இந்நிலையில், ராமேசுவரம், பாம்பன், மண்டபம், கீழக்கரை, ஏர்வாடி உள்ளிட்ட மாவட்டத்தின் பல்வேறு பகுதிகளில் சனிக்கிழமை விசைப்படகு மீனவர்கள் மீன்பிடிக்கச் செல்ல தயாராக இருந்தனர். ஆனால் சனிக்கிழமையும் ஆழ்கடல் பகுதியில் 50 கிலோ மீட்டருக்கு அதிகமாக காற்று வீசக்கூடும் என வானிலை மையம் அறிவுறுத்தியது. மேலும் மீனவர்கள் மீன்பிடிக்கச் செல்ல வேண்டாம் என கேட்டுக்கொள்ளப்பட்டது. இதனையடுத்து, மீன்வளத்துறையினர் மீன்பிடிக்க செல்ல மீனவர்களுக்கு வழங்கும் அனுமதிச் சீட்டு வழங்கப்பட வில்லை. இதனால் விசைப்படகு மற்றும் நாட்டுப்படகு மீனவர்கள் 30 ஆயிரம் பேர் கடலுக்கு மீன்பிடிக்கச் செல்லவில்லை. இதைத் தொடர்ந்து 10 நாள்களாக தொடர்ந்து மீன்பிடிக்க செல்லாததால் மிகுந்த சிரமத்திற்கு ஆளாகி உள்ளதாக மீனவர்கள் வேதனையுடன் தெரிவித்தனர். 
    மேலும் மீன்பிடிக்கச் செல்ல தடை விதிக்கப்பட்டுள்ளதன் காரணமாக ராமேசுவரம் உள்ளிட்ட அந்தந்த துறைமுகங்களில் விசைப்படகுகள் நிறுத்தி வைக்கப்பட்டுள்ளன.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp