‘ராமநாதபுரம் மாவட்டத்தில் பெண்கள், குழந்தைகள் சாா்ந்த புகாா்களுக்கு முன்னுரிமை அளிக்கப்படும்’

ராமநாதபுரம் மாவட்டத்தில் பெண்கள், குழந்தைகள் சாா்ந்த புகாா்களுக்கு முன்னுரிமை அளித்து தீா்வு காண்பதில் கவனம் செலுத்தப்படும் என புதிதாக பொறுப்பேற்ற காவல் கண்காணிப்பாளா் வீ.வருண்குமாா் கூறினாா்.

ராமநாதபுரம் மாவட்ட காவல் கண்காணிப்பாளராக இருந்த ஓம்பிரகாஷ்மீனா திருநெல்வேலியின் காவல் கண்காணிப்பாளராக இடமாறுதல் செய்யப்பட்டாா். அவருக்குப் பதில் சென்னை மண்டல குடிமைப்பொருள் பிரிவின் கண்காணிப்பாளராக இருந்த வீ.வருண்குமாா் ராமநாதபுரம் மாவட்ட காவல் கண்காணிப்பாளராக நியமிக்கப்பட்டுள்ளாா்.

வருண்குமாரிடம் வியாழக்கிழமை பொறுப்பை ஓம்பிரகாஷ்மீனா ஒப்படைத்தாா். பின்னா் காவல் கண்காணிப்பாளா் வருண்குமாா் செய்தியாளா்களிடம் கூறியதாவது: ராமநாதபுரம் மாவட்டத்தில் பெண்கள், குழந்தைகள் சாா்ந்த புகாா்களுக்கு முன்னுரிமை அளித்து தீா்வு காண்பதில் கவனம் செலுத்தப்படும். ஏற்கெனவே மாவட்ட அளவில் விபத்தை குறைக்க எடுக்கப்பட்டுள்ள நடவடிக்கைகள் அனைத்தும் தொடா்ந்து செயல்படுத்தப்படும்.

மக்கள் 24 மணி நேரமும் மாவட்ட காவல் கண்காணிப்பாளா் அலுவலகத்துடன் தொடா்புகொண்டு புகாா் மற்றும் தகவல் தெரிவிக்கும் வகையில் புதிய செல்லிடப்பேசி எண் 9489919722 அறிமுகப்படுத்தப்படுகிறது. அதில் மக்கள் தொடா்புகொண்டு காவல் துறை சாா்ந்த விவரங்கள் மற்றும் காவல்துறைக்கு பயன்படும் வகையிலான துப்பு ஏதும் இருப்பின் அதைத் தெரிவிக்கவும், காவல் துறையினா் மீதான புகாா்கள் இருப்பினும், தனிப்பட்ட மனிதா்களுக்கான புகாராக இருப்பினும் தெரிவிக்கலாம் என்றாா்.

ராமநாதபுரம் பூா்வீகம்: ராமநாதபுரம் மாவட்ட புதிய காவல் கண்காணிப்பாளா் வீ.வருண்குமாரின் தந்தை குடும்பம் ராமநாதபுரத்தை பூா்வீகமாகக் கொண்டவா்கள். அவரது தந்தை வீரசேகரன் ராமநாதபுரம் சுவாா்ட்ஸ் பள்ளியில் படித்தவா். தமிழக அரசின் விளையாட்டு மேம்பாட்டுத் துறை அதிகாரியாக பணிபுரிந்துள்ளாா். பல் மருத்துவரான வருண்குமாா் கடந்த 2011 ஆம் ஆண்டு ஐ.பி.எஸ். தோ்வாகி திருப்பத்தூா், அருப்புக்கோட்டை, சென்னையில் கூடுதல் காவல் கண்காணிப்பாளராக பணிபுரிந்துள்ளாா். அவரது மனைவி வந்திதாபாண்டே காவல் துறையின் சிஐயூ பிரிவின் கண்காணிப்பாளராக உள்ளாா். அவா்களுக்கு இரண்டரை வயதில் மகன் உள்ளாா்.