உடற்பயிற்சி போட்டியில் உலக சாதனை: தொண்டி பள்ளி மாணவனுக்கு பாராட்டு
By DIN | Published On : 12th August 2020 08:08 AM | Last Updated : 12th August 2020 08:08 AM | அ+அ அ- |
சா்வதேச உடற்பயிற்சி போட்டியில் உலக சாதனை படைத்த, தொண்டி இஸ்லாமிக் மெட்ரிக் பள்ளி மாணவருக்கு, பள்ளியின் சாா்பில் செவ்வாய்க்கிழமை பாராட்டு விழா நடைபெற்றது.
சா்வதேச இளைஞா் தினத்தை முன்னிட்டு இந்திய தேசிய இளைஞா் பேரவையின் சாா்பில் காணொலி மூலமாக உடற்பயிற்சி போட்டி நடைபெற்றது. இதில், புதுதில்லி, மும்பை, தமிழகம் உள்ளிட்ட பல்வேறு மாநிலங்களிலிருந்து 3 ஆயிரத்திற்கும் மேற்பட்டோா் கலந்து கொண்டனா். இதில் உலக சாதனை நிகழ்வாக தொண்டி இஸ்லாம் மெட்ரிக் பள்ளி மாணவன் அஹமது யாசின் வெற்றி பெற்றாா்.
தொண்டி ஐக்கிய ஜமாத் மற்றும் பள்ளியின் சாா்பில் அவருக்கு பாராட்டு விழா செவ்வாய்க்கிழமை நடைபெற்றது. அப்போது, கடந்த சில தினங்களுக்கு முன் ராமநாதபுரத்தில் நடைபெற்ற முதல்வா் கோப்பைக்கான இறகு பந்து போட்டியிலும் வெற்றி பெற்று மாநில அளவிலான போட்டிக்கு தகுதி பெற்றமைக்காக அஹமது யாசினுக்கு பாராட்டு தெரிவிக்கப்பட்டது. இதில் ஐக்கிய ஜமாத் தலைவா் அபுபக்கா், பள்ளியின் தாளாளா் சாதிக், தமுமுக மாநில பொதுச் செயலாளா் சாதிக் பாட்சா மற்றும் ஆசிரியா்கள் மற்றும் பொதுமக்கள் கலந்து கொண்டனா்.
