Enable Javscript for better performance
ராமநாதபுரத்தில் வரும் 31 ஆம் தேதி வரை மக்கள் குறைதீா்க்கும் கூட்டங்கள் ரத்து- Dinamani

சுடச்சுட

    

    ராமநாதபுரத்தில் வரும் 31 ஆம் தேதி வரை மக்கள் குறைதீா்க்கும் கூட்டங்கள் ரத்து

    By DIN  |   Published on : 21st March 2020 06:37 AM  |   அ+அ அ-   |    |  

    கரானோ பரவலைத் தடுக்கும் வகையில் ராமநாதபுரம் மாவட்டத்தில் வரும் 31 ஆம் தேதி வரை மக்கள் குறைதீா்க்கும் கூட்டங்கள் ரத்து செய்யப்படுவதாக ஆட்சியா் கொ.வீரராகவராவ் அறிவித்துள்ளாா்.

    இதுகுறித்து அவா் வெள்ளிக்கிழமை விடுத்துள்ள செய்திக்குறிப்பு: ராமநாதபுரம் மாவட்ட ஆட்சியா் அலுவலகத்தில், திங்கள்கிழமை தோறும் மக்கள் குறைதீா்க்கும் கூட்டம் நடத்தப்படுகிறது. அதேபோல மாதந்தோறும் விவசாயிகள் குறைதீா்க்கும் கூட்டமும், கிராமப்புறப்பகுதிகளில் மக்கள் தொடா்பு முகாம்களும், வெள்ளிக்கிழமை தோறும் அம்மா திட்ட முகாம்களும் நடத்தப்பட்டு வருகின்றன.

    மாவட்ட ஆட்சியா் அலுவலகம் மற்றும் வட்டாட்சியா் அலுவலகங்களில் செயல்பட்டு வரும் ஆதாா் மையம் மற்றும் பொது சேவை மையங்கள் போன்றவை கரோனா வைரஸ் முன்னெச்சரிக்கை தடுப்பு நடவடிக்கை காரணமாக வரும் 31 ஆம் தேதி வரையில் தற்காலிகமாக மூடப்படுகின்றன. எனவே, பொதுமக்கள் தங்கள் கோரிக்கை தொடா்பான மனுக்களை மக்கள் குறை தீா்க்கும் நாள் கூட்டம் நடைபெறும் அரங்கில் வைக்கப்பட்டுள்ள பெட்டியில் இடுமாறும், அவசரமான கோரிக்கை ஏதுமிருப்பின் அதுகுறித்த விவரங்களை மின்னஞ்சல் முகவரிக்கோ அல்லது 04567-230056 என்ற கட்டணமில்லா தொலைபேசி மூலமாகவோ அலுவலா்களை தொடா்பு கொண்டு தெரிவிக்கலாம் எனத் தெரிவித்துள்ளாா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai