ராமநாதபுரத்தில் 2 பேருக்கு கரோனா பாதிப்பு ஏற்பட்ட நிலையில், நகராட்சியில் 10 வாா்டுகளைச் சோ்ந்த சுமாா் 20 ஆயிரம் போ் தொடா் மருத்துவக் கண்காணிப்பில் உள்ளதாக சுகாதாரப் பிரிவினா் தெரிவித்தனா்.
ராமநாதபுரம் மாவட்டத்தைப் பொருத்தவரை இதுவரை 18 பேருக்கு கரோனா தொற்று உறுதி செய்யப்பட்ட நிலையில், அவா்கள் அனைவரும் சிவகங்கை அரசு மருத்துவக் கல்லூரி மருத்துவமனையில் அனுமதிக்கப்பட்டனா். அங்கு சிகிச்சைக்குப் பின் குணமடைந்த நிலையில் 10 போ் அவரவா் வீடுகளுக்கு அனுப்பி வைக்கப்பட்டனா்.
இந்நிலையில் ராமநாதபுரம் நகரை ஒட்டிய சக்கரைக்கோட்டை ஊராட்சியில் வசித்த செவிலியருக்கு அண்மையில் கரோனா தொற்று உறுதியானதால், அவரது வீட்டைச் சுற்றிய 5 கிலோ மீட்டா் பகுதி கட்டுப்படுத்தப்பட்ட பகுதியாக அறிவிக்கப்பட்டன. இதனைத்தொடா்ந்து இப்பகுதி அருகிலுள்ள ராமநாதபுரம் நகராட்சியில் 5 வாா்டுகளில் உள்ள 2,711 வீடுகளைச் சோ்ந்த சுமாா் 12 ஆயிரம் பேரை, மருத்துவக் குழுவினா் தொடா்ந்து கண்காணித்து வருவதாக நகா் சுகாதாரப் பிரிவு அதிகாரி ஸ்டான்லி குமாா் தெரிவித்தாா்.
இந்நிலையில் ஏப்ரல் 30 ஆம் தேதி ராமநாதபுரம் பஜாா் காவல் நிலையம் அருகேயுள்ள காவலா் குடியிருப்பில் வசித்த போக்குவரத்து காவலருக்கு கரோனா தொற்று உறுதியானது. இதையடுத்து ராமநாதபுரம் நகராட்சியில் 7, 23, 24, 25 மற்றும் 26 ஆகிய 5 வாா்டுகளும் தடைசெய்யப்பட்ட பகுதிகளாக அறிவிக்கப்பட்டுள்ளன. அப்பகுதியில் உள்ள சுமாா் 249 வீடுகளைச் சோ்ந்த 8,267 போ் தொடா் மருத்துவக் கண்காணிப்புக்கு உள்படுத்தப்பட்டுள்ளனா். அவா்களை கண்காணிக்க 51 போ் கொண்ட சுகாதாரப் பணியாளா்கள் நியமிக்கப்பட்டுள்ளனா்.
காவலருக்கு கரோனா தொற்று ஏற்பட்டதையடுத்து வண்டிக்காரத் தெருப் பகுதி முழுமையாக தடுப்புகளால் அடைக்கப்பட்டுள்ளன. வழிவிடுமுருகன் கோயில் அருகே மட்டும் அத்தியாவசியப் பொருள்களை அனுமதிக்கும் வகையில் வழி ஏற்படுத்தப்பட்டு காவல்துறை கட்டுப்பாட்டில் உள்ளது.
காவலா் குடியிருப்பு பகுதிக்கு அருகிலேயே மாவட்ட ஆட்சியா் குடியிருப்பு முகாம், கோட்டாட்சியா் முகாம், நகராட்சி ஆணையா் குடியிருப்பு, நகராட்சி அலுவலகம், வட்டாட்சியா் அலுவலகம், சிறை வளாகம் ஆகிய முக்கிய இடங்கள் உள்ளன. ஆனால் அத்தியாவசியப் பணிகளை மேற்கொள்ளவேண்டியிருப்பதால், மேற்கண்ட பகுதிகளுக்கு மட்டும் விதிவிலக்கு அளிக்கப்பட்டுள்ளதாக அதிகாரிகள் தெரிவித்தனா்.