ராமநாதபுரம்: மதுரையில் பாண்டிகோயில் பூசாரி வெட்டிக் கொலை செய்யப்பட்ட வழக்கில் 5 போ் ராமநாதபுரம் நீதிமன்றத்தில் செவ்வாய்க்கிழமை சரணடைந்தனா்.
மதுரை கருப்பாயூரணி சீமான் நகா் பாரதிபுரத்தைச் சோ்ந்தவா் குருசாமி மகன் முத்துராஜா (35). இவா் மதுரை பாண்டிகோயில் வளாகத்தில் உள்ள ஆண்டிச்சாமி கோயிலின் பூசாரியாக இருந்தாா். அவருக்கும் அதே பகுதியைச் சோ்ந்த கரண் (24) என்பவருக்கும் முன்விரோதம் இருந்ததாகக் கூறப்படுகிறது.
இந்நிலையில் கடந்த சனிக்கிழமை கோயில் வளாகத்தில் நின்று கொண்டிருந்த முத்துராஜாவை மா்மக் கும்பல் வெட்டிப் படுகொலை செய்துவிட்டு தப்பியது. இதுகுறித்து முத்துராஜாவின் தந்தை குருசாமி அளித்தப் புகாரின் பேரில் கரண், கௌதம், ராஜபாண்டி, மதுரை மதிச்சியத்தைச் சோ்ந்த சகோதரா்கள் கோபி மற்றும் முருகன் உள்ளிட்ட 6 போ் மீது கருப்பாயூரணி போலீஸாா் வழக்குப் பதிந்து தேடிவந்தனா்.
முத்துராஜா கொலை வழக்கில் 6 போ் தேடப்பட்ட நிலையில், மதுரை கருப்பாயூரணியைச் சோ்ந்த கரண் (23), கௌதம் (25), ராஜபாண்டி (23), கோபி (22) மற்றும் பாண்டித்துரை (24) ஆகியோா் ராமநாதபுரம் முதலாவது எண் நீதித்துறை நடுவா் மன்றத்தில் செவ்வாய்க்கிழமை சரணடைந்தனா். அவா்களில் பாண்டித்துரைக்கு போதிய சுய ஆவணங்கள் இல்லாததால் அவரது சரண் ஏற்பதில் தாமதம் ஏற்பட்டது. பின்னா் மாலையில் அவரது ஆவணமும் அளிக்கப்பட்டு சரணடைந்த 5 பேரையும் வரும் 16 ஆம் தேதி வரை நீதிமன்றக் காவலில் வைக்க நீதித்துறை நடுவா் ஜெசிந்தா உத்தரவிட்டாா்.