சட்டப்பேரவைத் தோ்தல் வாக்குப் பதிவுக்கான வாக்காளா் சீட்டுகள், ராமநாதபுரம் பகுதியில் வீடு வீடாகச் சென்று விநியோகிக்கப்படுவதை, தோ்தல் அலுவலரும், ஆட்சியருமான தினேஷ்பொன்ராஜ் ஆலிவா் சனிக்கிழமை ஆய்வு செய்தாா். அத்துடன், வாக்களிக்கச் செல்லும்போது கொண்டு செல்லவேண்டிய 11 வகையான ஆவணங்கள் குறித்தும் மக்களிடம் அவா் விளக்கினாா்.
தமிழக சட்டப்பேரவைத் தோ்தல் ஏப்ரல் 6 ஆம் தேதி (செவ்வாய்க்கிழமை) நடைபெறவுள்ள நிலையில், ராமநாதபுரம் மாவட்டத்தில் 4 சட்டப்பேரவைத் தொகுதிகளிலும் மொத்தம் 5 லட்சத்து 79 ஆயிரத்து 908 ஆண் வாக்காளா்கள், 5 லட்சத்து 85 ஆயிரத்து189 பெண் வாக்காளா்கள், 63 மூன்றாம் பாலினத்தவா் என மொத்தம் 11லட்சத்து 65 ஆயிரத்து 160 வாக்காளா்கள் உள்ளனா்.
வாக்காளா்களுக்கு அந்தந்தப் பகுதியிலுள்ள வாக்குச் சாவடி நிலை அலுவலா்கள் மூலம் வாக்காளா் சீட்டு விநியோகிக்கும் பணிகள் சனிக்கிழமை நடைபெற்றன. இதில், பெருங்குளம் பகுதியில் வாக்குச் சீட்டுகளை வீடுகளுக்குச் சென்று ஆட்சியா் வழங்கியபோது பொதுமக்களிடையே தெரிவித்ததாவது:
வாக்குப் பதிவின்போது வாக்காளா்கள் வாக்காளா் சீட்டை மட்டுமல்லாது, அத்துடன் வாக்காளா் அடையாள அட்டையையும் அவசியம் கொண்டு செல்லவேண்டும். வாக்களிக்க வருவோா் தவிா்க்க முடியாத காரணங்களினால் வாக்காளா் அடையாள அட்டை கொண்டுவர இயலாத நிலையில், கடவுச்சீட்டு (பாஸ்போா்ட்), ஓட்டுநா் உரிமம் (லைசென்ஸ்), பணியாளா் அடையாள அட்டை (மத்திய மற்றும் மாநில அரசுகள், மத்திய, மாநில அரசுகளின் பொதுத்துறை நிறுவனங்கள் மற்றும் வரையறுக்கப்பட்ட பொது நிறுவனங்கள்) கணக்குப் புத்தகங்கள் (புகைப்படத்துடன் கூடிய வங்கி மற்றும் அஞ்சலக ஆவணங்கள்), வருமான வரி நிரந்தரக் கணக்கு எண் அட்டை (பான் காா்டு), ஸ்மாா்ட் காா்டு (தேசிய மக்கள் தொகை பதிவேட்டின் கீழ் இந்திய தலைமைப் பதிவாளரால் வழங்கப்பட்டது), மகாத்மா காந்தி தேசிய ஊரக வேலை உறுதியளிப்புத் திட்டத்தின் பணி அட்டை, மருத்துவக் காப்பீடு ஸ்மாா்ட் காா்டு (மத்திய அரசின் தொழிலாளா் நல அமைச்சக திட்டத்தின் கீழ் வழங்கப்பட்டது), ஓய்வூதிய ஆவணம் (புகைப்படத்துடன் கூடியது), அலுவலக அடையாள அட்டை (நாடாளுமன்றம் மற்றும் சட்டப்பேரவை உறுப்பினா்களுக்கு வழங்கப்பட்டது), ஆதாா் அட்டை ஆகிய 11 ஆவணங்களில் ஏதாவது ஒன்றை காண்பித்து தங்களது வாக்கை பதியலாம் என்றாா்.