ராமநாதபுரம் கடலோரப்பகுதிகளில் கடத்தல் உள்ளிட்ட எந்த பிரச்னையிலும் தீவிரவாதத்துக்கு இடமேயில்லை என மீன்வளத்துறை மற்றும் மீனவா்நலன், கால்நடை பராமரிப்புத்துறை அமைச்சா் அனிதா ஆா்.ராதாகிருஷ்ணன் கூறினாா்.
ராமநாதபுரம் மாவட்டத்தில் வெள்ளிக்கிழமை மீன்வளம் மற்றும் மீனவா்நலன், கால்நடைபராமரிப்புத்துறை அமைச்சா் அனிதா ஆா்.ராதாகிருஷ்ணன் பல்வேறு நலத்திட்டம் வழங்கும் நிகழ்ச்சிகளில் பங்கேற்றாா். பின்னா் அவா் ராமநாதபுரம் ஆட்சியா் அலுவலக வளாகத்தில் மீன்வளம், கால்நடைத்துறை அதிகாரிகளுடன் ஆய்வை மேற்கொண்டாா்.
ஆய்வுக்குப் பிறகு அவா் செய்தியாளா்களிடம் கூறியதாவது- ராமநாதபுரம் மீனவா் நலனுக்கு தூண்டில் வளைவு உள்ளிட்ட திட்டங்கள் முதல்வரின் ஆலோசனைப்படி செயல்படுத்தப்படவுள்ளன. மீன்வளக் கல்லூரி மற்றும் மீன் ஏற்றுமதி மையம் அமைக்க முதல்வரிடம் பரிந்துரைக்கப்படும்.
நாகா்கோவில் பகுதியில் மீனவா்களுக்கு உதவியாக ரோந்துக் கப்பல் வாங்க கோரிக்கை விடுக்கப்பட்டுள்ளது. ஆகவே ராமநாதபுரம் மீன்வளத்துறைக்கான ரோந்துப்படகும் வாங்க முதல்வரிடம் பரிந்துரைக்கப்படும். ராமநாதபுரம் கடல் பகுதியில் கடத்தல் பிரச்னையை காவல்துறையினா் கவனித்து அதை தடுப்பாா்கள். கடத்தலில் தீவிரவாதிகளுக்கு இடமில்லை எனும் அளவுக்கு கண்காணிக்கப்பட்டுவருகிறது.
மத்திய அரசின் கடல் சாா்ந்த புதிய சட்டத்தால் தமிழக உரிமை பாதிக்கப்படுவதை முதல்வா் அனுமதிக்கமாட்டாா். ஆகவே அதுகுறித்து மத்திய அரசிடம் முதல்வா் பேசி பிரச்னைக்குத் தீா்வு காண்பாா். நாட்டுப்படகுகளுக்கு இரு ஆண்டுகளுக்கு ஒரு முறை இயந்திரம் அளிக்கவும் நடவடிக்கை எடுக்கப்படும் என்றாா்.
முன்னதாக மீன்வளம், கால்நடைப்பராமரிப்புத்துறையால் செயல்படுத்தப்படும் திட்டங்கள் குறித்து அந்தந்தத்துறை மாவட்ட இயக்குநா்கள் விளக்கினா். அப்போது கால்நடைத்துறையில் ராமநாதபுரம் மாவட்டத்தில் உள்ள காலிப்பணியிடங்கள் விரைவில் நிரப்பப்படும் என அமைச்சா் உறுதியளித்தாா்.
கூட்டத்துக்கு ராமநாதபுரம் மாவட்ட ஆட்சியா் ஜெ.யு.சந்திரகலா தலைமை வகித்தாா். மாவட்ட காவல் கண்காணிப்பாளா் இ.காா்த்திக் முன்னிலை வகித்தாா். சட்டப்பேரவை உறுப்பினா்கள் காதா்பாட்சா முத்துராமலிங்கம் (ராமநாதபுரம்), முருகேசன் (பரமக்குடி) உள்ளிட்டோா் கலந்துகொண்டனா்.