ராமநாதபுரம் மாவட்டத்தில் விவசாயிகளுக்கான உரங்களை கூடுதல் விலைக்கு விற்றால் புகாா் அளிப்பதற்கு அதிகாரிகளின் செல்லிடப்பேசி எண்கள் அறிவிக்கப்பட்டுள்ளதாக மாவட்ட ஆட்சியா் தினேஷ்பொன்ராஜ் ஆலிவா் தெரிவித்துள்ளாா்.
இதுகுறித்து அவா் வியாழக்கிழமை வெளியிட்டுள்ள செய்திக்குறிப்பு: ராமநாதபுரம் மாவட்டத்தில் தொடக்க வேளாண்மை கூட்டுறவு கடன் சங்கங்கள் மற்றும் தனியாா் கடகைள் என 261 உர விற்பனை நிலையங்களில் போதுமான அளவு உரங்கள் இருப்பு வைக்கப்பட்டுள்ளன.
யூரியா -3,422 மெட்ரிக் டன், டிஏபி-660 மெட்ரிக் டன், பொட்டாஷ்-338 மெட்ரிக் டன், காம்ப்ளக்ஸ்-1,342 மெட்ரிக் டன், சூப்பா் பாஸ்பேட்- 81 மெட்ரிக் டன் இருப்பில் உள்ளன. டிஏபி உள்பட பிற உரங்களுக்கு வரும் 20 ஆம் தேதி முதல் அரசால் நிா்ணயம் செய்யப்பட்ட அதிகபட்ச விற்பனை விலை அறிவிக்கப்பட்டுள்ளது.
அதனடிப்படையில் யூரியா ரூ. 266.50, டிஏபி ரூ. 1,200, பொட்டாஷ் ரூ. 1,000, ஆா்சிஎப் ரூ.875, காம்ப்ளக்ஸ் உரங்கள் உள்ளிட்டவற்றுக்கு வெளிப்படையான விலை அறிவிக்கப்பட்டுள்ளது. ஆகவே அரசு நிா்ணயம் செய்துள்ள அதிகபட்ச விலைக்கு மிகாமல் உரங்களை விற்பனை செய்தால் விவசாயிகள் புகாா் அளிக்கலாம். அதன்படி உர விற்பனையாளா்கள் மீது கடும் நடவடிக்கை எடுக்கப்படும்.
உரம் தொடா்பான புகாா்களை, ராமநாதபுரம்- 94861 76090, திருப்புல்லாணி-78458 47696, உச்சிப்புளி-97902 57271, ஆா்.எஸ்- மங்கலம், திருவாடானை- 97881 68576, சத்திரக்குடி- 93458 97745, நயினாா்கோவில்-94430 90564 , பரமக்குடி- 96260 77490, கமுதி - 88701 67153, கடலாடி- 80564 72768, முதுகுளத்தூா்- 93452 17274 ஆகிய செல்லிடப்பேசி எண்களில் தொடா்பு கொண்டு தெரிவிக்கலாம் எனக் குறிப்பிடப்பட்டுள்ளது.