தோ்தல் பணியில் ஈடுபடும் ஆசிரியா் உள்ளிட்டோருக்கு பதிவுத் தபாலில் வாக்குச் சீட்டுகள் அனுப்பிவைக்கப்பட்டுள்ளதாக அதிகாரிகள் தெரிவித்தனா்.
இதுகுறித்து ராமநாதபுரம் மாவட்டத் தோ்தல் அலுவலா் தினேஷ்பொன்ராஜ் ஆலிவா் விடுத்துள்ள செய்திக்குறிப்பு: தபால் வாக்கு கோரிய தோ்தல் பணியாளா்களுக்கு பதிவு தபால் மூலமாக வாக்கு சீட்டுகள் அனுப்பப்பட்டு வருகின்றன.
புதன்கிழமை (மாா்ச் 31) மற்றும் ஏப்ரல் 5 ஆம் தேதி ஆகிய இரு நாள்களிலும் பயிற்சி முடிந்ததும் வாக்குச்சாவடி அலுவலா்கள் தங்கள் தபால் வாக்குகளை அந்தந்த பயிற்சி மையங்களிலேயே நேரடியாக செலுத்திடலாம். அத்துடன் வரும் மே 1 ஆம் தேதி வரை வாக்கு சாவடி அலுவலா்கள் தங்களது வாக்குகளை கட்டணமின்றி அஞ்லகம் மூலமாகவும் அனுப்பலாம் என்றும் குறிப்பிடப்பட்டுள்ளது.