திருவாடானை சட்டப் பேரவை தொகுதியை அதிமுக மீண்டும் தக்கவைக்கும் என்று எதிா்பாா்க்கப்படுகிறது.
ராமநாதபுரம் மாவட்டத்தின் நெற்களஞ்சியமான திருவாடானையில் விவசாயமும், மீன்பிடித்தொழிலும் பிரதானமாக உள்ளது. திருப்பாலைக்குடி முதல் தொண்டி வரையிலான கடற்கரைப் பகுதிகளில் குடிநீா்தட்டுப்பாடு தீராத பிரச்னையாக உள்ளது. இந்த தொகுதியின் பெரும்பாலான மக்கள் ரயில் போக்குவரத்தை கண்டதில்லை. திருவாடானையில் அண்ணா பல்கலைக்கழக பொறியியல் கல்லூரி, ஒரு தனியாா் பொறியியல் கல்லூரி, மூன்றுகலைக்கல்லூரிகள் மட்டுமே உள்ளன. தேவிபட்டினம், திருப்பாலைக்குடி, தொண்டி பகுதிகளில் மீன்இறங்கு தளங்கள் அமைக்க வேண்டும் கடற்கரை கிராமங்களில் கடல் அரிப்பை தடுக்க தடுப்பு சுவா் எழுப்படவேண்டும் என்பது இந்த தொகுதி மக்களின் நீண்டகால கோரிக்கை.
திருவாடானையை பொருத்தவரை முக்குலத்தோா், யாதவா், முஸ்லிம், தேவேந்திரகுலவேளாளா், உடையாா் உள்ளிட்ட பல சமூகத்தினரும் வசிக்கின்றனா்.
1952 முதல் 2016 வரை 15 முறை சட்டப் பேரவைத் தோ்தலை இத்தொகுதி சந்தித்துள்ளது. இதில் 2 முறை சுயேச்சைகளும், 2 முறை சுதந்திர கட்சியும், 5முறை காங்கிரஸ் கட்சியும், 2முறை தமிழ் மாநில காங்கிரஸ் கட்சியும், 2 முறை திமுகவும், 2முறை அதிமுகவும் வெற்றி பெற்றுள்ளது. இதில் கப்பலூா் கரியமாணிக்கம் அம்பலம் 4 முறையும் அவரது மகன் கே.ஆா்.ராமசாமி அம்பலம் 5 முறையும் வெற்றிபெற்றுள்ளது குறிப்பிடத்தக்கது.
2016 சட்டப் பேரவை தோ்தலில் திருவாடானைதான் விஜபி தொகுதி யாக இருந்தது. காரணம், அ.தி.மு.க கூட்டணியில்முக்குலத்தோா் புலிப்படைத் தலைவரும் நகைச்சுவை நடிகருமான கருணாஸ் இங்குபோட்டி யிட்டு வெற்றிபெற்றாா்.
இத்தொகுதியில் 2,87,875 வாக்காளா்கள் உள்ளனா். அவா்களில் ஆண்கள் 1 லட்சத்து 43 ஆயிரத்து 967 பேரும், பெண்கள் 1 லட்சத்து 43 ஆயிரத்து 888 பேரும் மூன்றாம் பாலினத்தவா் 20 பேரும் உள்ளனா்.
தற்போதைய தோ்தலில் அதிமுக சாா்பில் கேசி ஆணிமுத்து, திமுக- காங்கிரஸ் கூட்டிணி கட்சியான காங்கிரஸ் கட்சி வேட்பாளா் ஆா். கருமாணிக்கம், அமமுக வேட்பாளா் வதுந. ஆனந்த், மக்கள் நீதி மையம் கட்சி வேட்பாளா் பா.சத்தியராஜ், நாம் தமிழா் கட்சி வேட்பாளா் சு.ஜவஹா் (மாற்றுத்திறனாளி) உள்பட 18 வேட்பாளா்கள் கலத்தில் உள்ளனா். இருந்தாலும் அதிமுக, காங்கிரஸ், அமமுக வேட்பாளா்களிடையே தான் போட்டி நிலவுகிறது.
அதிமுக வேட்பாளா் கேசி ஆணிமுத்து மாவட்ட செயலாளராக 8ஆண்டுகளாக பதவியில் இருந்தாா் அதனால் தொகுதி முழுவதும் நல்ல அறிமுகம்மானவா். தற்போது கடந்த சில நாட்களுக்கு முன் தமமுக தலைவா் ஜான் பாண்டியன் ஆணிமுத்துவை ஆதரித்து வாக்கு சேகரிப்பில் ஈடுபட்டாா். இதனால் தேவேந்திர குலவேளாளா் வாக்கு இவருக்கு சாதகமாக அமையும் என எதிா்பாா்க்கபடுகிறது. மேலும் இரட்டைஇலை சின்னம் பெரும்பாலான மக்கள் மனதில் பதிந்த சின்னம் என்பதால் ஆணிமுத்து மீண்டும் வெற்றியை தக்க வைக்க வாய்ப்பு உள்ளதாக அரசியல் பிரமுகா்கள் கருதுகின்றனா்.
காங்கிரஸ் கட்சி வேட்பாளா்ஆா். கருமாணிக்கம் காரைக்குடி சட்டப் பேரவை உறுப்பினா் கே ஆா் ராமசாமி மகன் ஆவா். இவரது தாத்தா கரியமாணிக்கம் அம்பலமும் தந்தை கே ஆா் ராமசாமியும் 9 முறை சட்ட பேரவை உறுப்பினராக இருந்துள்ளனா். கட்சி வாக்குகள் மற்றும் சிறுபான்மையினரை நம்பி இவா் களத்தில் உள்ளாா். இருப்பினும் திமுகவினா் எப்படியும் தொகுதியை வாங்கிவிடலாம் என்று எண்ணி இருந்த போது காங்கிரஸ் கட்சிக்கு ஒதுக்கிய போது திமுகவினா் சற்று பின்னடைவாக பணிசெய்வது தெரிகிறது. சில பகுதிகளில் தொகுதியில் வேட்பாளரை பாா்க்க வில்லை என மக்கள் சொல்வதும் தெரியவருகிறது.
அமமுக வேட்பாளா் வதுந. ஆனந்த் முன்னாள் அமைச்சா் வது. நடராஜனின் மகன் ஆவாா். இவா் தற்போது அமமுக மாவட்டச் செயலாளராக உள்ளாா். கடந்த மக்களவை தொகுதியில் போட்டியிட்டு இரண்டாவது இடம் பெற்ற இவா் தொகுதியில் நன்கு அறிமுகமானவா். ஜாதி ஓட்டுகளும், எஸ் டி பி ஐ கட்சி கூட்டணியாக இருப்பதால் முஸ்லிம் ஓட்டுகளும் இவருக்கு சாதகமாக உள்ளது. கடும் முயற்சி எடுக்க வேண்டும் என அரசியல் நோக்கா்கள் கருதுகின்றனா்.