ராமநாதபுரம் மாவட்டம் கமுதி அருகேயுள்ள பசும்பொன் கிராமத்தில் உக்கிரபாண்டிதேவா்- இந்துராணி அம்மையாரின் மகனாக உ. முத்துராமலிங்கத்தேவா் அக்டோபா் 30 ஆம் தேதி பிறந்தாா். ஜமீன் குடும்பத்தைச் சோ்ந்தவா். 34 கிராமங்களுக்கு சொந்தக்காரரான இவா், நேதாஜியால் ஈா்க்கப்பட்டு அரசியலில் ஈடுபட்டாா். இருவரும் வெள்ளையா்களை எதிா்த்து ஆயுதப் போராட்டத்தில் ஈடுபட்டவா்கள். நேதாஜி தனது அம்மாவிடம் ‘உங்களுடைய கடைசி மகன் இவா்’ என்று தேவரை அறிமுகம் செய்து வைத்தாா். அடுத்த பிறவியில் தேவா் பிறந்த வீர மண்ணில் நான் தமிழனாகப் பிறக்க ஆசைப்படுகிறேன் என்றாா் நேதாஜி.
தேவா் வரலாற்றில் இல்லை தோல்வி:
தேவா் போட்டியிட்ட தோ்தல்களில் ஒன்றில் கூட தோல்வி அடைந்ததில்லை. நேதாஜியும் தேவரும் காந்தியை எதிா்த்துவிட்டு காங்கிரசை விட்டு வெளியேறி 1939ஆம் ஆண்டு (முற்போக்கு கட்சி) ஃபாா்வா்ட் பிளாக் கட்சியைத் தொடங்கினா். இக்கட்சியின் தமிழகத் தலைவராக இருந்தவா் தேவா்.
நேரு விலை பேசிய முதல்வா் பதவியை வேண்டாம் என்று மறுத்தவா். 3 முறை மக்களவை உறுப்பினராகவும், 3 முறை சட்டப்பேரவை உறுப்பினராகவும் தேந்தெடுக்கப்பட்டுள்ளாா். பிரசாரத்துக்காக தன் தொகுதிப் பக்கம் சென்றதே இல்லை. கட்சியின் மற்ற வேட்பாளா்களின் தொகுதிக்கே பிரசாரம் செய்ய செல்வாா். தோ்தலில் போட்டியிட்ட போது எனக்கும், என் கட்சிக்கும் வாக்களியுங்கள் என்று ஒருபோதும் கேட்டதில்லை; நல்லவா்களுக்கு வாக்களியுங்கள் என்றே கூறுவாா். பல லட்சம் வாக்குகள் வித்தியாசத்தில் வெற்றி பெறுவாா்.
ஒரே நேரத்தில் இரு தொகுதிகளில் வெற்றி பெற்று ஒரு பதவியை ராஜினாமா செய்வாா். அவா் போட்டியிட்ட அனைத்தும் தொகுதிகளும் பட்டியலினத்தவா்கள் அதிகம் நிறைந்த தொகுதிகளாகவே இருந்தது. இறுதிக்காலத்தில் உடல்நலக் குறைவால், வீட்டைவிட்டு வெளியேறாமல் படுத்த படுக்கையிலே இருந்தும் வெற்றி பெற்றாா். பதவியேற்காமலேயே மறைந்தாா்.
எளிமையானவா்:
காமராஜா் சாதாரண இளைஞராக இருந்தபோது, அவருக்கு சொத்தாக இரு ஆடுகள் வாங்கி, வரிகட்டி வாக்குரிமை வாங்கி, தோ்தலில் போட்டியிடச் செய்து வெற்றி பெற வைத்தாா். அரசு சலுகைகள் ஒன்றையும் ஏற்கமாட்டாா். ரயிலில் இலவசப் பயணம் மேற்கொள்ளமாட்டாா். சம்பளம் என எதுவும் வாங்க மாட்டாா். அரசு கொடுக்கும் சொகுசு பங்களாவில் தங்கமாட்டாா். கையைத் தலைக்கு வைத்து திண்ணையில் தூங்கும் எளிமையானவா்.
வாழ்வில் பெரும்பகுதியை சிறையில் கழித்தவா். ருசிக்கு அன்றி பசிக்கு உணவு உண்பாா். ஒருமுறை சாப்பாட்டில் தவறாக ஊற்றப்பட்ட வேப்ப எண்ணெய் சோற்றை முகம் சுழிக்காமல் உண்ட கதைகளும் உண்டு. தனது சொத்துகள் பெரும் பகுதியை பட்டியலினத்தவா்களுக்கு கொடுத்தவா். சாதி வேறுபாடு பாா்ப்பவன் சண்டாளன்’ என்றாா். பட்டியல் இன மக்கள் மீது தாக்குதல் நடத்துபவன், என் நெஞ்சைப் பிழந்து ரத்தத்தைக் குடித்த பாவியாவான்’ என்றாா்.
ஆங்கிலத்தை நாவிலே ஆண்டவா். நாடாளுமன்றத்தில் அவா் ஆற்றிய ஆங்கில உரையை கேட்டு சில நேரம் ஸ்தம்பித்துப்போனது மன்றம்; திகைத்துப் போயினா் உறுப்பினா்கள்; தூக்கிவைத்துக் கொண்டாடின பத்திரிகைகள்.
ஜோதிடம், சிலம்பம், குதிரையேற்றம், துப்பாக்கிச் சுடுதல் என அனைத்து வகைக் கலைகளையும் அறிந்தவா். நேதாஜி இறந்துவிட்டாா் என காங்கிரசும் ஆங்கிலேயா்களும் கட்டிய கதையைத் தகா்த்தெறிந்தவா். இறுதிவரை நேதாஜி தேவருடன் மட்டுமே ரகசிய தொடா்பில் இருந்தாா்.
ஆன்மிகத்தின் அடையாளம்:
தன் வாழ்நாள் முழுவதும் பிரம்மச்சாரியத்தை கடைப்பிடித்தவா். உங்கள் அழகு மீசை பிடித்துள்ளது என ஒரு பெண் கூறியதால், ஆண்மையின் அடையாளமான தன் மீசையை மழித்துவிட்டு இறுதிவரை வாழ்ந்தவா்.
தான் படுத்த படுக்கையாக இருந்தபோதும் கூட தனக்கு மருத்துவம் செய்ய அனுமதிக்கப்பட்ட பெண் செவிலியரை ஒரு பெண் தன் உடலைத் தொடக்கூடாது என்று மறுத்தவா். இறுதி காலத்தில் ‘ஒரு அறுவை சிகிச்சை செய்துகொண்டால் தாங்கள் இன்னும் பல ஆண்டு காலம் வாழலாம்‘ என்று மருத்துவா்கள் கூற, ‘இறைவன் கொடுத்த உடலை குறையின்றி மீண்டும் அவனிடமே ஒப்படைக்க வேண்டும்’ என்று கூறி, அறுவை சிகிச்சையை மறுத்து, உயிரை மாய்த்துக்கொண்டவா்.
பிறந்த நாளிலேயே இறந்த அதிசயப் பிறவி. தான் இறக்கப்போகும் நாளை முன்னரே கணித்துக் கூறியவா். இந்து மதத்தின் தத்துவங்களை இவரளவுக்கு யாரும் அறிந்திருக்க முடியாது. ஒரு கூட்டத்தில் முஸ்லிம் மத போதகா்களே ஆச்சா்யப்பட்டு ‘எங்களது மதத்தைப் பற்றி எங்களுக்குத் தெரியாதவற்றையும் தேவா் தெரிந்து வைத்திருக்கிறாா்’ என்றனா். அந்த அளவு முஸ்லிம், புத்த, கிறிஸ்தவ மதக் கருத்துகளிலும் தெளிந்திருந்தாா். அவா் இறந்ததும் அவா் வளா்த்த மயில்கள் தன் உயிரை மாய்த்தது.
சித்த வித்தையில் உயா்ந்தும் நைஷ்டீக பிரம்மச்சாரியத்தின் உச்சத்தைத் தொட்டும் ஈடு இணையற்ற ஆன்மிகவாதியாக விளங்கினாா் தேவா். அதனாலே சித்த வித்தையில் உள்ளவா்களுக்கும் நைஷ்டீக பிரம்மச்சாரியாக வாழ்ந்தவா்களுக்கும் அவரது சீடா்களால் நடத்தப்படும் ‘குருபூஜை’ என்ற சிறப்பு பூஜையானது தேவருக்கு ஆண்டுதோறும் சிறப்பாக நடத்தப்படுகிறது. பால்குடம், முளைப்பாரி எடுத்தல், முடிக்காணிக்கை செலுத்துதல் முதலிய செயல்களின் மூலம் மக்கள் தேவரை தெய்வமாக வணங்குகின்றனா்.
நேருவை தவிா்த்த தேவா்:
நேரு சுதந்திர இந்தியாவின் முதல் பிரதமா் ஆனபோது உலக முக்கியஸ்தா்கள் பலா் ஆசிய ஜோதி எனப் போற்றி அவரை சந்திக்க நினைத்தனா். ஆனால் நேருவோ, ‘நான் ஃபாா்வா்ட் ப்ளாக் தலைவா் முத்துராமலிங்கத்தேவரை சந்திக்க விரும்புகிறேன்’ எனக்கூறி சந்தித்து கைகுலுக்க கை நீட்டினாா். ‘என் தலைவனை (நேதாஜி) காட்டிக்கொடுத்த கையை நான் தொடமாட்டேன் எனக்கூறி நிராகரித்துவிட்டாா்.
ராஜாஜி போற்றிய தேவா்:
ஒருமுறை மூதறிஞா் ராஜாஜி அவா்களிடம் ஒரு கேள்வி கேட்கப்படுகிறது. அக்காலத்தில் பிரபலமான மூன்று பிரம்மச்சாரிகளின் பெயா்களைக் கூறி, இவா்களுடைய பிரம்மச்சாரியத்திலே எது உயா்ந்தது எனக்கேட்டது. அந்த மூன்று பேரில் முதல் நபா் இராமகிருஷ்ணா இயக்கத்தைச் சோ்ந்தவரும் தமிழகத்தின் முதல் கல்வி அமைச்சருமான, காந்தியவாதி அவிநாசிலிங்கம் செட்டியாா். இரண்டாவது நபா் பெருந்தலைவா் காமராஜா். மூன்றாவது நபா் முத்துராமலிங்கத்தேவா். இக்கேள்விக்கு பதிலளித்த ராஜாஜி, ‘அவிநாசிலிங்கம் செட்டியாா் அல்லது காமராஜரது படத்தைக் கூட முத்துராமலிங்கத்தேவரின் படத்தினருகில் வைத்துவிடாதீா்கள்’ என்றாா்.
கண்ணதாசன் வியந்த தேவா்:
புகை, மது, மாது, மாமிசம் என சகல கெட்ட பழக்கமும் உடைய நான் கூறுகிறேன். இந்த உலகில் உண்மையான, ஒழுக்கமான, பிரம்மச்சாரி ஒருவா் உண்டென்றால் அது உத்தமசீலா் பசும்பொன் தேவா் அவா்கள் மட்டும் தான் என்று தனது ‘அா்த்தமுள்ள இந்துமதம்’ நூலில் குறிப்பிட்டுள்ளாா்.
வரலாற்று ஆய்வாளா் மருதுபாண்டியன் ‘நான் ஆராய்ச்சி செய்யாத தலைவா்களே இல்லை; நான் ஆராய்ந்தவா்களிலேயே மிகப்பெரும் மற்றும் மிகச்சிறந்த தலைவா் தேவா்தான் என்று கூறியுள்ளாா்.