பரமக்குடி ஊராட்சி ஒன்றிய அலுவலக வளாகத்தில் நூலகக் கட்டடத்துக்கு இடம் வழங்க எதிா்ப்பு

பரமக்குடி ஊராட்சி ஒன்றிய அலுவலக வளாகத்தில் அறிவு சாா் நூலகக் கட்டடம் கட்ட இடம் தோ்வு செய்யப்பட்ட நிலையில் வெள்ளிக்கிழமை நடைபெற்ற ஊராட்சி ஒன்றியக் கூட்டத்தில் அந்த இடத்தை வழங்கக் கூடாது என தீா்மானம் நிறைவேற்றப்பட்டது.

பரமக்குடியில் மத்திய அரசின் திட்டத்தின் கீழ் அறிவு சாா் நிலைய நூலகக் கட்டடம் கட்ட ஊராட்சி ஒன்றிய அலுவலக வளாகத்தில் 10 ஆயிரம் சதுர அடி இடம் மாவட்ட ஆட்சியரால் தோ்வு செய்யப்பட்டது. இந்தப் பகுதியில் ஏற்கெனவே வேளாண் துறைக்கு இடம் வழங்கப்பட்ட நிலையில், ஊராட்சி ஒன்றிய அலுவலக பயன்பாட்டுக்கென 15 ஆயிரம் சதுரஅடி மட்டுமே இருப்பதாகவும், இதில் மத்திய, மாநில அரசுகளால் கொண்டு வரப்படும் திட்டங்களை நிறைவேற்றுவதற்கான பொருள்களை வைப்பதற்கான இடங்களே உள்ளன எனவும் ஒன்றியக் குழு துணைத் தலைவா் தலைமையில் ஒன்றியக்குழு உறுப்பினா் ஐ.கே. சுப்பிரமணி உள்ளிட்ட உறுப்பினா்கள் மாவட்ட ஆட்சியா் தோ்வு செய்த இடத்தை வழங்க எதிா்ப்பு தெரிவித்து கூட்டத்தில் பேசினா்.

ஆனால், ஊராட்சி ஒன்றிய ஆணையா் உம்முல் ஜாமியா, மாவட்ட ஆட்சியா் தோ்வு செய்த இடத்தை வழங்க வேண்டும் எனக் கோரிக்கை விடுத்தாா். இதற்கு ஒன்றியக் கவுன்சிலா்கள் கடும் எதிா்ப்பு தெரிவித்தனா். மேலும் ஊராட்சி ஒன்றியத்துக்கு சொந்தமான இடத்தை வழங்க முடியாது என தீா்மானம் நிறைவேற்றப்பட்டது.

முன்னதாக இந்த கூட்டத்துக்கு ஒன்றியக் குழு தலைவா் சிந்தாமணி முத்தையா தலைமை வகித்தாா். துணைத் தலைவா் எஸ். ராஜேந்திரன் முன்னிலை வகித்தாா். ஆணையா் உம்முல் ஜாமியா வரவேற்றாா். ஒன்றியக் கவுன்சிலா்கள், ஊராட்சி ஒன்றிய அலுவலா்கள் பலா் கலந்து கொண்டனா்.