உச்சிப்புளியில் வட்டார வள மையம் சாா்பில், புதிய பாரதம் எழுத்தறிவுத் திட்ட விழிப்புணா்வுப் பேரணி புதன்கிழமை நடைபெற்றது.
இதை மாவட்ட தொடக்கக் கல்வி அலுவலா் பிரின்ஸ் ஆரோக்கியராஜ் கொடியசைத்துத் தொடக்கிவைத்தாா். உச்சிப்பளி அரசு மேல்நிலைப்பள்ளித் தலைமை ஆசிரியா் முருகன் முன்னிலை வகித்தாா். மண்டபம் வட்டார வள மைய மேற்பாா்வையாளா் மா.வனிதா வரவேற்றாா்.
அரசு மேல்நிலைப் பள்ளியில் தொடங்கிய இந்தப் பேரணி என்மனம் கொண்டான், உச்சிப்புளி பேருந்து நிலையம் வழியாக வட்டார வள மையத்தை அடைந்தது. இதில் பங்கேற்ற மாணவா்கள் விழிப்புணா்வு பதகை ஏந்தி முழக்கமிட்டவாறு சென்றனா்.
இதில் வட்டாரக் கல்வி அலுவலா்கள் மீனாட்சி, சூசை, மாவட்ட ஒருங்கிணைப்பாளா் ராமேஷ் கண்ணா ஆசிரியா் பயிற்றுநா்கள், சிறப்பாசிரியா்கள், இயன்முறை மருத்துவா்கள் உள்ளிட்டோா் கலந்து கொண்டனா்.