ராமேசுவரத்தில் வெளிமாநில 144 மது பாக்கெட்டுகள் பறிமுதல்

வெளி மாநிலத்திலிருந்து ராமேசுவரத்துக்கு தனியாா் பயணிகள் பேருந்தில் கடந்தி வரப்பட்ட 144 மது பாக்கெட்டுகள் ஞாயிற்றுக்கிழமை பறிமுதல் செய்யப்பட்டன.

ராமநாதபுரம் மாவட்டம், ராமேசுவரத்துக்கு வெளி மாநிலத்தில் இருந்து வரும் தனியாா் பயணிகள் பேருந்துகளில் மதுபானம் கடத்தி வருவதாக மாவட்டக் காவல் கண்காணிப்பாளா் ஜி.சந்தீஷ்க்கு ரகசியத் தகவல் கிடைத்தது. இதைத்தொடா்ந்து குற்ற தடுப்புப் பிரிவு போலீஸாா் ஞாயிற்றுகிழமை ராமேசுவரம் வந்த தனியாா் பயணிகள் பேருந்தை சோதனை செய்தனா்.

இதில், இரண்டு அட்டைப் பெட்டிகளில் 144 மது பாக்கெட்டுகள் இருப்பது தெரியவந்தது. இதுதொடா்பாக போலீஸாா் வழக்குப் பதிவு செய்து மது பாக்கெட்டுகளை பறிமுதல் செய்தனா்.