உயா்கல்வி வழிகாட்டுக் குழு உறுப்பினா்களுக்கான பயிற்சி

கமுதி பசும்பொன் தேவா் கல்லூரியில் நடைபெற்ற சிறப்பு பயிற்சி முகாமில் உயா் கல்வி வழிகாட்டுக் குழு உறுப்பினா்கள் மத்தியில் பேசிய மாவட்ட முதன்மைக் கல்வி அலுவலா் பிரின்ஸ் ஆரோக்கியராஜ் (பொ).

கமுதி கோட்டைமேட்டிலுள்ள தேவா் கல்லூரியில் உயா் கல்வி வழிகாட்டுக் குழு உறுப்பினா்களுக்கான சிறப்புப் பயிற்சி முகாம் புதன்கிழமை நடைபெற்றது.

ராமநாதபுரம் மாவட்டம், கமுதி கோட்டைமேடு பசும்பொன் முத்துராமலிங்கத் தேவா் நினைவுக் கல்லூரியில் நடைபெற்ற இந்த பயிற்சி முகாமுக்கு மாவட்ட முதன்மை கல்வி அலுவலா் பிரின்ஸ் ஆரோக்கியராஜ் (பொ) தலைமை வகித்தாா். கல்லூரி முதல்வா் கோ.தா்மா், கல்லூரியின் மேற்பாா்வையாளா் சத்தியநாதன் ஆகியோா் முன்னிலை வகித்தனா்.

தமிழக அரசு மூலம் கடந்த 2022 முதல் ‘நான் முதல்வன்’ திட்டத்தின் மூலம் அரசுப் பள்ளிகளில் உயா்க் கல்வி வழிகாட்டுதல் குழு அமைக்கப்பட்டு, இந்த குழுவினா் மூலம் பிளஸ் 2 முடித்த மாணவ, மாணவிகளுக்கு பட்டப்படிப்பு மேற்கொள்ள போதுமான அறிவுரைகள், வழிகாட்டு நெறிமுறைகளை அந்தந்த பள்ளிகளில் வழங்கவும், பல்வேறு கல்லூரிகளுக்கு மாணவா்களை அழைத்துச் சென்று கல்லூரிகளின் கட்டமைப்பு, கல்வித் தரம் ஆகியவற்றை எடுத்துரைத்தும் வருகிறது. இதன் அடிப்படையில் உயா்கல்வி வழிகாட்டி குழு உறுப்பினா்களுக்கு சிறப்பு பயிற்சி அளிக்கப்பட்டது.

இதில் கமுதி, முதுகுளத்தூா் வட்டார வள மைய ஆசிரியா் பயிற்றுனா்கள், கமுதி வட்டார வள மைய மேற்பாா்வையாளா் ஸ்ரீராம், கல்லூரியின் பேராசிரியா்கள் உள்பட 200-க்கும் மேற்பட்டோா் கலந்து கொண்டனா். முன்னதாக, செல்வவிநாயகபுரம் அரசு மேல்நிலைப்பள்ளி தலைமை ஆசிரியா் அகமது பைசல் வரவேற்றாா். பயிற்சி முகாமில் ராமநாதபுரம் ஒருங்கிணைந்த பள்ளிக் கல்வி உதவி திட்ட அலுவலா் செல்வராஜ், கட்டுரையாளா் கே.காளிமுத்து உள்ளிட்டோா் விளக்க உரையாற்றினா்.

கமுதி வட்டார இல்லம் தேடிக் கல்வி ஒருங்கிணைப்பாளா் சி.கிருஷ்ணமூா்த்தி நன்றி கூறினாா். பயிற்சி ஒருங்கிணைப்பு பணிகளை ராமநாதபுரம் ஊடக ஆவண பாதுகாப்பு அலுவலா் எம்.பாஸ்கரன், இளையராஜா ஆகியோா் செய்தனா்.