காரைக்குடி நகராட்சித் தொடக்கப்பள்ளி வளாகத்தை சூழ்ந்த மழைநீா்: தற்காலிகப் பாலம் மூலமாக பள்ளிக்குள் வந்த மாணவ, மாணவியா்கள்

காரைக்குடி: சிவகங்கை மாவட்டம் காரைக்குடி ராமநாதன் செட்டியாா் நகராட்சி தொடக்கப்பள்ளி வளாகத்திற் குள்ளும், வெளியிலும் மழைநீா் சூழ்ந்ததால் திங்கள்கிழமை பள்ளிக்குள் செல்லமுடியாமல் மாணவ, மாணவியா்கள், ஆசி ரியா்கள் தவித்தனா். மாணவா்கள் அமரும் நாற்காலியை தற்காலிகமாக பாலம் அமைத்ததன் மூலம் மாணவா்களை பெற் றோா்கள் பள்ளிக்குள் விட்டுச்சென்றனா்.

காரைக்குடி ராமநாதன் செட்டியாா் நகராட்சி தொடக்கப்பள்ளி நகராட்சி உயா்நிலைப்பள்ளி வளாகத்தில் செயல்பட்டு வந்தது.நகராட்சி உயா்நிலைப்பள்ளியிலிருந்து தொடக்கப்பள்ளியை 1-ஆம் வகுப்புமுதல் 5 வகுப்புவரையிலான மாணவ, மாணவியா்களுக்காக காரைக்குடி வட்டாச்சியா் அலுவலகம் பின்புறம் உள்ள இடத்தில் நகராட்சியின் அனைவருக்கும் இடைநிலைக்கல்வித்திட்டத்தின் கீழ் ரூ. 1.68 கோடி மதிப்பீட்டில் புதிய கட்டடம் கட்டப்பட்டு கடந்த 2019 பிப். 22 இல் திறந்துவைக்கப்பட்டது.

இப்பள்ளியில் கடந்த மாா்ச் மாதம் முதல் மாணவா்கள் மாற்றப்பட்டு இயங்கிவருகிறது. உயா் நிலைப்பள்ளிக்கான கட்டிடத்தை சிறியவா்களான தொடக்கப்பள்ளி மாணவா்களுக்கு அளித்தது முதல் பெற்றோா்கள், தன்னாா்வ அமைப்பினா் அதிருப்தி தெரிவித்துவந்தனா்.

தற்போது இப்பள்ளியில் சுமாா் 700-க்கும் மேற்பட்ட மாணவ, மாணவியா்கள் பயின்றுவருகின்றனா். காரைக்குடி நகா் மற்றும் சுற்றுப்புறப்பகுதிகளிலிருந்து சாதாரண ஏழை மற்றும் தொழிலாளா்களின் குழந்தைகளே இங்கு படித்துவருகின்ற னா். இங்கு தலைமையாசிரியை, 14 ஆசிரிய, ஆசியைகள் பணியாற்றிவருகின்றனா்.

இந்நிலையில் காரைக்குடிப்பகுதியில் கடந்த சில தினங்களாக தொடா்ந்து மழைபெய்து வருகிறது. இதனால் இப்பள்ளி வளாகத்திற்கும், சுற்றுச்சுவரின் வெளிப்புறம் பள்ளிக்கு வரும் பாதையிலும் மழைநீா் குளம்போன்று சூழ்ந்து நின்றதால் திங்கள்கிழமை வழக்கம்போல் பள்ளிக்கு வந்த குழந்தைகள், அவா்களை அழைத்துவந்த பெற்றோா்கள் அதிா்ச்சியடைந்தனா்.

பள்ளிக்குள் செல்லமுடியாது என்று கருதிய சில குழந்தைகள் மற்றும் பெற்றோா்கள் திரும்பிச்சென்றுவிட்டனா். இத்தகவலை பள்ளியின் ஆசிரியா்கள், சாக்கோட்டை வட்டாரக்கல்வி அலுவலா் ஆகியோா் நகராட்சி நிா்வாகத்திற்கு தெரிவித்தனா்.

இதையடுத்து காரைக்குடி நகராட்சி பொறியாளா் ரெங்கராஜ்,உதவிப்பொறியாளா் பாலு மற்றும் நகராட்சி பணியாளா்கள் மழைநீரை மோட்டாா் பம்பு வைத்து வெளியேற்றும் நடவடிக்கையை மேற்கொண்டனா்.

இதனிடையே பள்ளிக்குள் மாணவ, மாணவியா்கள் செல்வதற்கு மாணவா்கள் அமரும் நாற்காலிகளை தற்காலிக பாலமாக அமைத்து உள்ளே அழைத்துச்செல்லப்பட்டனா். மேலும் மழைநீரால் அடித்து வரப்பட்ட 2 பாம்புகள் வகுப்பறைக்குள் புகுந்த தாகவும், பின்னா் அதனை அப்புறப்படுத்தப்பட்டதாகவும் அங்கிருந்த ஆசிரியா்கள் சிலா் தெரிவித்தனா்.

இதுகுறித்து சாக்கோட்டை வட்டாரக்கல்வி அலுவலா் சகாயச்செல்வன் கூறுகையில், மழைநீா் வளாகத்திற்கு சூழ்ந்தது குறித்து நகராட்சி நிா்வாகத்திற்கு தெரிவித்தோம். மழைநீரை வெளியேற்றும் நடவடிக்கையை அவா்கள் மேற்கொள்வா் என்றாா்.