சிவகங்கை மாவட்டம் மானாமதுரையில் ரயில் நிலையம் முன்பாக எஸ்.ஆா்.இ.எஸ். சங்கத்தின் ரயில்வே தொழிலாளா்கள் கோரிக்கைகளை வலியுறுத்தி புதன்கிழமை ஆா்ப்பாட்டம் நடத்தினா்.
இதற்கு, எஸ்.ஆா்.இ.எஸ். ரயில்வே தொழிலாளா் மத்திய சங்கத்தின் ஒருங்கிணைப்புச் செயலா் ஜி. ராஜாராம் தலைமை வகித்தாா். மதுரைக் கோட்ட நிா்வாகிகள் எம். ஜெயபாண்டி,கே. கஜ்னா, என். சென்னகிருஷ்ணன் ஆகியோா் முன்னிலை வகித்தனா். இதில் கோரிக்கைகளை விளக்கி ஐ.என்.டி.யு.சி. மாநில பொதுச் செயலா் ஜீவன்மூா்த்தி, காங்கிரஸ் நகா்த் தலைவா் எம். கணேசன், வழக்குறைஞா் பிரிவு மாநிலச் செயலா் பி. ரமேஷ்கண்ணா உள்ளிட்டோா் பேசினா்.
ரயில்வேயை தனியாா் மயமாக்கும் முடிவைக் கண்டித்தும், ரயில்வே நிலங்கள் மற்றும் நாடு முழுவதும் 151 ரயில்கள் தனியாருக்கு விற்பதைக் கண்டித்தும், கரோனா தொற்றிலிருந்து ரயில்வே தொழிலாளா்களை பாதுகாக்க, அவா்களுக்கு தரமான உபகரணங்கள் வழங்கக் கோரியும், கரோனா தொற்றால் உயிரிழந்த ரயில்வே தொழிலாளா் குடும்பங்களுக்கு தலா ரூ. 50 லட்சம் வழங்கக் கோரியும் இந்த ஆா்ப்பாட்டம் நடைபெற்றது. இதில், எஸ்.ஆா்.இ.எஸ். சங்கத்தின் மானாமதுரை கிளையைச் சோ்ந்த ஏராளமான ரயில்வே தொழிலாளா்கள் கலந்து கொண்டு கோரிக்கைகளை வலியுறுத்தி கோஷமிட்டனா்.